अमेरिकाको केन्टकीमा आएको बाढीमा ६ बालबालिकासहित १६ को मृत्यु, बाइडेनबाट प्रकोप घोषणा
प्रकाशित मिति : श्रावण १३, २०७९ शुक्रबार
Aerial view of homes submerged under flood waters from the North Fork of the Kentucky River in Jackson, Kentucky, on July 28, 2022. – At least three people have died after torrential rains caused massive flooding in eastern Kentucky, leaving a number of people stranded on rooftops and in trees, the governor of the southeastern US state said Thursday. (Photo by LEANDRO LOZADA / AFP)
अमेरिकाको पूर्वी केन्टकीमा आएको बाढीबाट मृत्यु हुनेको संख्या शुक्रबार कम्तिमा १६ पुगेको छ, जसमा ६ जना बालबालिकाहरु समेत छन् । मूसलधारे वर्षाले घरहरू बगाएको छ भने सडकहरू जलमग्न भएका छन् । मृत्यु हुनेहरुको संख्या अझ बढ्ने चेतावनी दिइएको छ ।
प्रहरी र नेशनल गार्डले केन्टकीको एपलाचियन कोइला खानी क्षेत्रमा दर्जनौं मानिसहरूलाई घर र सवारी साधनबाट उद्धार गर्न हेलिकप्टर र डुङ्गाहरू प्रयोग गरेका छन् । बाढीको पानी घरको छानासम्म पुगेको र सडकहरु खोलामा परिणत भएको भिडियोहरुमा देखाइएको छ ।
यो समाप्त नभएको र आफूहरुले खोजी र उद्धार गरिरहेको गभर्नर एन्डी बेशियरले बताएका छन् । राज्यको राजधानी फ्रान्कफर्टबाट करिब १०० माइल दक्षिणपूर्वमा रहेको २,२०० मानिसको बसोबास रहेको सहर ज्याक्सनको अधिकांश भाग डुबानमा परेको छ ।
डिसेम्बरमा राज्यको पश्चिमी भागमा झन्डै ८० जनाको ज्यान लिने आँधीबेहरीपछि आएको बाढी केन्टकीमा सात महिनामा आएको दोस्रो ठूलो प्रकोप हो। यस क्षेत्रमा २४ घण्टामा ५ देखि १० इन्च सम्मको वर्षा भएको कारण बाढी आएको हो ।
राष्ट्रपति जो बाइडेनले शुक्रबार केन्टकीमा प्रकोप घोषणा गर्दै संघीय सहायताका लागि अनुमति प्रदान गरेका छन् । वेस्ट भर्जिनियाका गभर्नर जिम जस्टिसले आफ्नो राज्यका छ वटा काउन्टीहरूमा संकटकाल घोषणा गरको छन् । त्यहाँ भारी वर्षापछि आएको बाढीको कारणले पिउने पानी प्रणालीलाई अवरुद्ध गरेको छ भने सडक पनि अवरुद्ध गरेको छ ।
