जारा र पेपलले पनि बन्द गरे रुसमा सेवा
प्रकाशित मिति : फाल्गुन २२, २०७८ आईतबार
स्पेननिस फेसन कम्पनी जारा र अमेरिकी भुक्तानी प्रदायक कम्पनी पेपलले रुसमा सेवा बन्द गरेका छन् । छिमेकी मुलुक युक्रेनमाथि आक्रमण गरेपछि यी दुई कम्पनीले पनि रुसमथि प्रतिबन्ध लगाउँदै सेवा बन्द गरेका हुन् ।
स्पनेनिस कम्पनी जाराले रुसमा आफ्ना ५०२ स्टोरबाट रुसमा सेवा प्रदान गर्दै आएको थियो । अब ती सबै स्टोर बन्द हुने समाचार संस्था बीबीसीले जनाएको छ । यस्तै, अनलाइन भुक्तानी सेवा प्रदायक पेपलले पनि रुसमा सेवा बन्द गरेको छ ।
जाराले रुसमा रहेका सयौं स्टोर बन्द गरेसँगै ९ हजारभन्दा बढी रोजगार प्रभावित हुने बताइएको छ । यसअघि, अन्तर्राष्ट्रिय ब्राण्डहरूले रुसमाथि सेवा बन्द गरिसकेका छन् । रुसमा, एप्पल, नेटफ्लिक्स, गुगल, रोल्स रोयस, जनरल मोटर्स जस्ता ठूला अमेरिकी ब्राण्डले यसअघि नै सेवा बन्द गरिसकेका हुन् ।