जसपाका १२० जनाको मुद्दा फिर्ता (सूचीसहित)
प्रकाशित मिति : बैशाख १५, २०७८ बुधबार
सरकारले मधेश आन्दोलनका क्रममा मुद्दा लगाइएका १२० जनाको मुद्दा फिर्ता लिएको छ। नेपाल सरकार वादी भइ विभिन्न व्यक्तिमाथि लगाइएका मुद्दा सरकारले फिर्ता लिएको हो।
बुधबार मन्त्रिपरिषदको निर्णय सार्वजनिक गर्दै सरकारका प्रवक्तासमेत रहेका सञ्चारमन्त्री पार्वत गुरुङले विभिन्न १५ मुद्दाका १२० जनाविरुद्ध लगाइएको मुद्दा मुद्दा फिर्ता लिइएको जानकारी दिएका छन्।
कानुन र संविधानअनुसार सरकारले फिर्ता लिनसक्ने यस्ताखाले मुद्दा सरकारले समयक्रमसँगै सम्बोधन गर्दै जाने उनले बताए।
जसपाले सरकारी कार्यदलसँगको वार्ताका क्रममा रेशम चौधरीको सहित मधेश आन्दोलनका क्रममा पक्राउ परेकाहरुको मुद्दा फिर्ता लिनुपर्ने मागलाई प्राथमकिताका साथ राख्दै आएको थियो। सोहीअनुसार सरकारले मुद्दा फिर्ता लिएर जसपाको माग सम्बोधन गरेको हो। योसँगै जसपा सरकारमा सहभागी हुने प्रक्रिया अघि बढेको छ। जसपा नेताहरुले सत्तासमीकरणका लागि उधारोमा सहमति नहुने बताउँदै आएका थिए।
