काठमाडौं दूतावासबाट मार्चमा महामारी सुरुभए यताकै सबैभन्दा धेरै भिजिटर भिसा नविकरण
प्रकाशित मिति : बैशाख १०, २०७८ शुक्रबार
अमेरिकी दूतावास काठमाडौंले मार्चमा महामारी सुरु भएयताकै सबैभन्दा धेरैको भिजिटर भिसा नविकरण गरेको छ । गत मार्चको अन्तिमसातादेखि दूतावासमा नियमित भिसा सेवा सुचारु भएको छैन तर पनि दूतावासले विना अन्तरवार्ता भिजिटर भिसा भने नविकरण गरिरहेको छ ।
यो मार्चमा अमेरिकी दूतावास काठमाडौंले ७६१ जनाको भिजिटर भिसा नविकरण र जारी गरेको छ । सन् २०२० को मार्चको अन्तिमसाता महामारी बढेदेखि नै काठमाडौं दूतावासले यति धेरै भिजिटर भिसा नविकरण र जारी गरेको यो नै पहिलो पटक हो । अधिकांश भिजिटर भिसा नविकरण भएपनि आपतकालिन अवस्थामा अमेरिका भ्रमण गर्नुपर्ने अवस्था भएकाहरुका लागि नयाँ भिसा पनि जारी गरिएको जनाइएको छ ।
भिसा सकिएको ४८ महिनाभित्र विना अन्तरवार्ता भिसा नविकरण गर्ने ६ चरण, दर्जन योग्यता
मार्चमा जारी ७६१ भिजिटर भिसामध्ये कतिजनालाई नयाँ भिसा जारी गरिएको हो र कतिजनाको भिसा नविकरण गरिएको हो भन्नेबारे पनि अमेरिकी विदेश मन्त्रालय ब्यूरो अफ कन्सुलरको तथ्यांकमा खुलाइएको छैन । यद्यपी अमेरिकी दूतावास काठमाडौंले आपतकालिन अवस्था र नविकरणबाहेक नियमित भिजिटर भिसा भने जारी गर्न सुरु गरेको छैन ।
काठमाडौं दूतावासले फेबु्रअरीमा ४९४ जनालाई, जनवरीमा ४१२ जनालाई, डिसेम्बरमा ५६७ जनालाई, नोभेम्बरमा १९६ जनालाई र अक्टोबरमा ४०४ जनालाई भिजिटर भिसा जारी गरेको थियो । त्यस्तै गत सेप्टेम्बरमा ७३ जनालाई र अगस्तमा १४४ जनालाई भिजिटर भिसा जारी गरेको थियो ।
अब डिसेम्बर ३१ सम्म भिसा सकिएको ४८ महिना ननाघेकाको भिसा नविकरण हुने
जुलाई र मेमा भने काठमाडौंमा रहेको अमेरिकी दूतावासले कसैलाई पनि गैरआप्रवासी भिसा जारी गरेन । जुनमा ८ जनालाई र अप्रिलमा ९ जनालाई काठमाडौं दूतावासले भिजिटर भिसा जारी गरेको थियो । यसरी जारी गरिएका अधिकांश भिजिटर भिसा पहिले नै भिसा भएकाहरुलाई विना अन्तरवार्ता नविकरण गरिएका भिसा हुन् ।
काठमाडौं दूतावासबाट अमेरिकी नागरिकका परिवारको भिसालाई प्राथमिकता, कुन श्रेणीमा कतिलाई भिसा?
मार्चमा कुन गैर आप्रवासी श्रेणीमा कतिलाई भिसा ?
सन् २०२१ को मार्चमा अमेरिकी दूतावास काठमाडौंले ६ जनालाई कुटनीतिक भिसा, १३ जनालाई क्रु मेम्बर भिसा, २० जनाालाई विद्यार्थी भिसा, २९ जना विद्यार्थीका डिपेन्डेन्टहरुलाई भिसा, अन्तर्राष्ट्रिय संगठनहरुमा काम गर्ने ९ जनालाई जी फोर भिसा, ७ जनालाई एचवानबी कामदार भिसा, कामदार भिसाका डिपेण्डेण्ट ९ जनालाई एचफोर भिसा जारी गरेको छ ।
त्यस्तै ७ जनालाई एक्सचेन्ज भिजिटर जे वान भिसा, उनीहरुका डिपेण्डेण्ट ५ जनालाई जे टु भिसा, अमेरिकी नागरिकका मंगेतर १० जनालाई के वा भिसा र एकजनालाई एम वान भिसा जारी गरेको छ ।
बाइडेनले प्रतिबन्ध हटाएपनि काठमाडौं दूतावासले मार्चमा एकजनालाई पनि दिएन डाइभर्सिटी भिसा