धनगढी र गोदावरीको क्वारेन्टीनमा रहेका महिलाहरुलाई सुदुरपश्चिम समाज मेरिल्याण्डको सहयोग

खसोखास अमेरिका ब्यूरो

---

प्रकाशित मिति : असार ७, २०७७ आईतबार

नेपालको कैलाली धनगढी र गोदावरीको क्वारेन्टीनमा रहेका महिलाहरुलाई सुदुरपश्चिम समाज मेरिल्याण्डले रु १ लाख सहयोग गरेको छ ।

धनगढी उपमहानगरपालिका र गोदावरी नगरपालिकाका २१ वटा क्वारेन्टाइनहरुमा ३०० भन्दा बढि महिलाहरु छन् । समाजले सुरक्षा सामग्री र पोषणयुक्त खाना खरिदका लागी सो रकम सहयोग गरेको हो ।

नेपालमा रहेको ह्युम्यान्युटि फाउन्डेसनसंगको सहकार्यमा सो सामग्री वितरण गरिने समाजका अध्यक्ष दमन बिक्रम शाहले जानकारी दिए ।

‘मातृभूमीको समस्यामा हामी मौन रहन सकेनौँ, कोरोनाको कहर हामीले यहाँ भोगीरहेकोले पनि हाम्रो मन थामिएन र यो सहयोग गरेका हौँ’ – उनले भने ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

यसको साथै समाजले सुदुरपश्चिमका जिल्लाहरुमा कोरोना परिक्षणका लागी पिसिआर मसिन खरिदमा १ हजार डलर सहयोग गरेको छ । डडेल्धुरामा जडान गरिने सो मसिनबाट यसको आसपासका जिल्लाका मानिसहरु समेत लाभान्वित हुने विश्वास समाजले लिएको छ ।

सहयोग रकम मेरिल्याण्डमा बसोबास गर्ने सुदुरपश्चिमेलिहरुबाट संकलन गरिएको हो । नेपालमा कोरोना कहर बढेसंगै समाजले ६ लाख पचासहजार भन्दा बढि सहयोग गरिसकेको छ ।

समाजले सुदुरपश्चिमेलीको एकता र मौलिक कला संकृतिको संरक्षणका लागी बिभिन्न गतिबिधि गर्दै आइरहको छ ।