न्युयोर्क सिटीमा जगणना भर्नेबाट छानेर एकहजार डलरका गिफ्ट कार्ड दिइने
प्रकाशित मिति : जेष्ठ १३, २०७७ मंगलबार
न्युयोर्क सिटी सेन्सस २०२० ले सिमलेससँगको सहकार्यमा न्युयोर्क सिटीमा जगणना भर्नेबाट छानेर एकहजार डलरका गिफ्ट कार्ड दिने भएको छ । यस्ता गिफ्टकार्डहरु १० जनालाई उपलब्ध गराइने भएको छ ।
जनगणनामा सहभागी हुनेहरुबाट छानेर गिफ्टकार्ड उपलब्ध गराइने भएको छ । यो योजना न्युयोर्क सिटीका बासिन्दाहरुका लागिमात्र ल्याइएको हो ।
प्रतियोगितामा सहभागी हुनका लागि अनलाइन वा फोनमार्फत जनगणनाको फर्म भरिसकेपछि कन्फर्मेशन पेजको स्क्रीनशट वा तस्वीर लिएर न्युयोर्क सिटी सेन्सस २०२०लाई पठाउनुपर्नेछ । यसरी प्राप्त भएका आवेदनहरुका आधारमा छनौट गरेर पुरस्कार प्रदान गरिनेछ ।
आफ्नो स्क्रीनशट पठाउन यहाँ क्लीक गर्नुहोला ।
हरेक हप्ता विजेताको छनौट गरिनेछ भने आगामी १० हप्तासम्म विजेताहरुको छनौट गरिने जनाइएको छ । एकपटक प्रतियोगितामा सहभागी भएको व्यक्तिले रकम नजितेमा १० हप्तासम्मकै प्रतियोगितामा सहभागी गराइनेछ ।