३ मंसिर २०८३, बिहिबार| Thursday, November 19, 2026
इमिग्रेशन

पोर्चुगलमा अतिदक्ष विदेशी कामदारको तलब १७ हजार बाट बढेर २७ हजार

पोर्चुगलमा अतिदक्ष कामदारको न्यूनतम तलबको मापदण्ड १७ हजार युरोबाट बढाएर २७ हजार डलर बनाइएको छ । फरबरी १० देखि लागु हुनेगरी पोर्चुगलमा अतिदक्ष कामदारका लागि मासिक तलब १९१४ युरो बनाइएको छ भने बर्षमा १४ पटक उक्त रकम तिर्नुपर्नेछ ।

यसअगाडि अतिदक्ष कामदारको न्युनतम मासिक तलब १२७६ युरो रहेको थियो भने १४ किस्तामा बुझाउनुपर्ने थियो । अब यसमा १७ दशमलव ७ प्रतिशतले बृद्धि गरिएको छ ।

यसको अर्थ अब पोर्चुगलमा अतिदक्ष कामदारका लागि भिसा आवेदन दिन चाहेको खण्डमा न्यूनतम तलब बार्षिक २७ हजार प्राप्त गर्ने कुरा सरकारलाई पुष्टी गर्नुपर्नेछ । ५ बर्षको पेशागत योग्यता भएका वा माध्यामिक भन्दा धेरै शिक्षा हासिल गरी अहिले रेसिडेन्स भिसामा रहेका अतिदक्ष विदेशी कामदारहरुका लागि तलब बृद्धि गर्न अनिवार्य छैन तर फरबरी १० सम्म पेन्डिंग आवेदन रहेकाहरुका सन्दर्भमा भने नयाँ तलब मापदण्ड पूरा गर्नुपर्नेछ ।

भिसा नविकरण गर्नेहरुका सन्दर्भमा र नयाँ भिसा लिनेहरुका सन्दर्भमा भने तलबको नयाँ मापदण्ड लागु हुनेछ । स्थानीय रुपमा काम गर्नेहरुका लागि भने यो मापदण्ड लागु हुँदैन ।

स्थानीय रुपमा काम गर्नेहरुका लागि भने कम्तीमा मासिक ६३५ युरो अर्थात् बर्षमा १४ किस्तामा बर्षमा ८८९० हुनुपर्नेछ ।

सन् २०१८ को अक्टोबरदेखि पोर्चुगलले आवेदन प्रकृयामा बिलम्ब हुन नदिन अनलाइन प्रकृयाको सुरुवात गरेको थियो । जस अन्तरगत अनलाइनार्फत अप्वाइन्टमेन्ट लिन सकिने व्यवस्था गरिएको छ ।

लेखक खसोखास अमेरिका ब्यूरो

Khasokhas Weekly is published Weekly and read by thousands of Nepalese and Nepalese speaking in the USA. There are more than 250,000 (unofficial data) Nepali people in the USA. According to the 2010 US Census, there are 59,490 Nepalese in the USA. The actual numbers…

यस लेखकका थप समाचार →