३ मंसिर २०८३, बिहिबार| Thursday, November 19, 2026
इमिग्रेशन

कामदार कार्डको आवेदनमा मध्य युरोपियन राष्ट्रले ल्यायो नेपालीका लागि लोटरी प्रणाली

अब मध्य युरोपियन राष्ट्र चेक रिपब्लिकले न्यु दिल्लीमा रहेको दूतावासबाट कामदार कार्डको आवेदन दिने नेपालीहरुका लागि इमेलमार्फत अप्वाइन्टमेन्ट लिने प्रणाली खारेज गरिदिएको छ । नेपालीका साथमा बंगालादेश, भुटान, भारत, मालदिभ्स र श्रीलंकाका लागि समेत इमेलमार्फत अप्वाइन्टप्रणाली खारेज गरिएको दूतावासले जनाएको छ ।

अब इमेलमार्फत अप्वाइन्टमेन्टको साटो नयाँ लोटरी प्रणाली लागु गरिएको छ । नयाँ प्रणाली अन्तरगत चेक रिपब्लिकको विदेश मन्त्रालयले सन् २०२० को जनवरी र मार्चको बीचमा कामदार कार्ड आवेदनका लागि ३३ जना आवेदकहरुलाई लोटरी प्रणालीमार्फत छनौट गर्नेछ ।

तर डिसेम्बर ११, १३ र १६ मा आवेदन दिएकारुहरुलाईमात्र लोटरी प्रणालीमा सहभागी बनाइनेछ । न्यु दिल्लीमा रहेको चेक रिपब्लिक दूतावासले नेपालीका साथमा बंगालादेश, भुटान, भारत, मालदिभ्स र श्रीलंकाका नागरिकका लागि गत अगस्तमा अनलाइन अप्वायन्टमेन्ट प्रणालीको लागु गरेको थियो ।

दूतावासले हरेक महिना ७३ आवेदन लिने भनिएपनि ती आवेदनहरु ह्याण्डल गर्न नसकेपछि उक्त प्रणाली खारेज गरिएको छ । धेरै आवेदन परेपछि न्यु दिल्लीमा रहेको दूतावासलाई हम्मे हम्मे परिरहेको छ । तर यो उपाय दीर्घकालिन भए नभएको केही बताइएको छैन ।

लेखक खसोखास अमेरिका ब्यूरो

Khasokhas Weekly is published Weekly and read by thousands of Nepalese and Nepalese speaking in the USA. There are more than 250,000 (unofficial data) Nepali people in the USA. According to the 2010 US Census, there are 59,490 Nepalese in the USA. The actual numbers…

यस लेखकका थप समाचार →