३ मंसिर २०८३, बिहिबार| Thursday, November 19, 2026
इमिग्रेशन

नेपालीलाई जर्मन र स्वीस दूतावासबाट युरोपको शेंगेन भिसा सबैभन्दा सजिलो, नेदरल्याण्डबाट मुस्किल

युरोपको शेंगेन क्षेत्रका लागि नेपालीहरुले सबैभन्दा धेरै काठमाडौंमा रहेको जर्मन दूतावासबाट भिसा पाउने गरेका छन् । गतबर्ष भिसा प्राप्त गर्नेहरुको विवरण अनुशार एकबर्षमामात्र जर्मन दूतावासबाट ४०२७ नेपालीहरुले शेंगेन भिसा प्राप्त गरेका छन् ।

सन् २०१८ काठमाडौंमा रहेको जर्मन दूतावासमा ५०८७ जना नेपालीहरुले भिसा आवेदन दिएका थिए । तीमध्ये ४०२७ जनालेमात्र भिसा पाए भने १०६० नेपालीहरुको भिसा अस्वीकृत भयो । जुन अस्वीकृत दर अस्वकिृत दर २१ प्रतिशतमात्र हो । सन् २०१७ मा भिसा अस्वीकृत दर २० प्रतिशत रहेको थियो ।

त्यस्तै गतबर्ष फिनल्याण्डको दूतावासमा जम्मा ६८७ जना नेपालीहरुले शेंगेन भिसा आवेदन दिए भने ५५८ जना नेपालीहरुले भिसा पाए । भिसा नपाउने १२४ जना थिए । यो अस्वीकृत तर जम्मा १८ प्रतिशत हो । भिसा दुरुपयोगका समाचारहरु आएसँगै अहिले भने फिनल्याण्डले नेपालीलाई भिसामा कडाई गरेको छ । सन् २०१७ मा भिसा अस्वीकृत दर ३५ प्रतिशत रहेको थियो ।

त्यस्तै नेदरल्याण्डको दूतावासमा शेंगेन भिसाका लागि आवेदन दिने नेपालीहरु गतबर्ष १६६६ जना रहेका थिए । जसमध्ये ९७९ जनाले भिसा पाए भने नपाउनेहरु ६४० जना रहेका थिए । नेदरल्याण्डको भिसा अस्वीकृत दर ३८ प्रतिशत रहेको छ । सन् २०१७ मा भिसा अस्वीकृत दर ५१ प्रतिशत रहेको थियो ।

गत बर्ष शेंगेन भिसाका लागि स्वीटजरल्याण्डको दूतावासमा आवेदन दिने नेपालीहरुको संख्या पनि उल्लेख्य रहेको छ । कुन नेपाली आवेदक ३०३७ मध्ये भिसा पाउनेहरु २३८७ जना थिए भने नपाउनेहरु ६५० जना रहेका थिए । नेपालीहरुको भिसा अस्वीकृत दर २१ प्रतिशत रह्यो । सन् २०१७ मा भिसा अस्वीकृत दर २५ प्रतिशत रहेको थियो ।

लेखक खसोखास अमेरिका ब्यूरो

Khasokhas Weekly is published Weekly and read by thousands of Nepalese and Nepalese speaking in the USA. There are more than 250,000 (unofficial data) Nepali people in the USA. According to the 2010 US Census, there are 59,490 Nepalese in the USA. The actual numbers…

यस लेखकका थप समाचार →