अष्ट्रेलियामा नेपाली दम्पत्तिबीच हानाहान, रुपन्देहीका सन्तोष गौतमको मृत्यु, श्रीमती हिराशतमा

खसोखास अमेरिका ब्यूरो

---

प्रकाशित मिति : मंसिर ७, २०७६ शनिबार

अष्ट्रेलियामा नेपाली दम्पत्तिबीच हानाहान हुँदा श्रीमानको मृत्यु भएको छ । उनीहरुबीच शनिबार बेलुका झगडापछि हानाहान भएको जनाइएको छ ।

ग्रान्सभिलको घरबाट फोन आएपछि बेलुका साढे ७ बजे प्रहरी घटनास्थलमा पुगेको थियो । घटनास्थलमा पुग्दा श्रीमान अचेत अवस्थामा थिए भने श्रीमती पनि घाइते अवस्थामा थिइन् ।

गम्भीर घाइते भएका श्रीमानलाई नजिकैको अस्पतालमा लगिएको थियो । अस्पतालमा उपचारका क्रममा उनका निधन भएको जनाइएको छ । मृत्यु हुने व्यक्ति रुपन्देहीका ३४ बर्षका  सन्तोष गौतम रहेको जनाइएको छ । मृतक सन्तोषको टाउकोमा गम्भिर चोट लागेको थियो ।

घाइते श्रीमतीलाई पनि उपचारका लागि अस्पतालमा लगिएको थियो । तर उनको अवस्था भने सामान्य रहेको जनाइएको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

उनीहरुबीच सुरुमा सामान्य विषयमा घरझगडा भएको र पछि हानाहानकै अवस्था आएको जनाइएको छ । घटनाबारे प्रहरीले थप अनुसन्धान गरिरहेको छ । तर घटना घरेलु हिंशासँग सम्बन्धित भएको आशंका गरिएको छ ।

उपचारपछि डिस्चार्ज गरिएकी ३४ बर्षकी श्रीमतीलाई पछि ग्रान्सभिल प्रहरीले नियन्त्रणमा लिएको छ । उनलाई आजै पारामाथा बेल कोर्टमा पेश गर्ने जनाइएको छ ।