Follow @khasokhasmag

महिला दिवसमा पुरुष पदयात्रा


प्रकाशित मिति : फाल्गुन २५, २०७३ बुधबार

केही संस्थाले १०७ औं अन्तर्राष्ट्रिय श्रमिक महिला दिवस सन्देशमुलक र परम्परागत भन्दा भिन्न ढंगले मनाएका छन् । उनीहरुले महिला अधिकारको विषय महिलाको मात्रै नभइ पुरुषको पनि भएको भन्दै पुरुषमात्रै सहभागी भएर -यालीको आयोजना गरे ।

परिवर्तनका लागि पदयात्रा भन्ने नारा सहित ‘मेन फर वीमन’ लेखिएको व्यानर बोकेर झण्डै २ सय जना पुरुष -यालीमा सहभागी भएका थिए ।
पुरुषसँगको सहकार्य र उनीहरूसँगको हातेमालो विना महिला अधिकार प्राप्त हुने सम्भब नदेखिएकाले यस्तो कार्यक्रम गरेको आयोजकले बताए । महिला अधिकार प्राप्ति, महिलामाथि हुने हिंसा र शोषण अन्त्य गर्ने अभियान अब महिलाकोमात्रै नभइ पुरुषको पनि हुनुपर्छ भन्ने उद्देश्यले यो -याली निकालिएको आयोजकहरुको भनाइ छ ।

परम्परागत, रुढीवादी सोचाइ र मान्यतालाई चिर्दै र महिला समानताका लागि महिलाका मात्रै आवाज र अभियान अपुर्ण रहेकाले समानता र सामाजिक न्यायकायम गर्न यो अभियान निरन्तर चलाइने आयोजक मध्येका एक नेपाल वातावरण पत्रकार समूहका कार्यकारी निर्देशक लक्ष्मण उप्रेतीले बताउनुभयो ।

यो अभियान अब केही संघसंस्थाकोमात्रै नभइ यो व्यापक विस्तार हुनुपर्ने फ्रीडम फोरमका बरिष्ठ कार्यकारी अधिकृत तारानाथ दाहालले बताउनुभयो ।

कार्यक्रम यी दुई संस्था लगायत एण्टेना फाउण्डेसन, रेष्टलेस डेभलपमेण्ट र डान्स फर लाइफले आयोजना गरेका हुन् । पदयात्रा ललितपुरको जाउलाखेलबाट सुरुभइ मान भवन, कुमारी पाटी, लगनखेल वसपार्क हुँदै मगंलबजारस्थित दरवार स्क्वायरमा पुगेर टुंगिएको थियो । महिला खबरबाट

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com