बलिउडका सफल चलचित्र अभिनेता गोविन्दा विरगञ्जमा , नेपाली कलाकारले गरे स्वागत
प्रकाशित मिति : कार्तिक २०, २०७६ बुधबार
बलिउडका सफल चलचित्र अभिनेता गोविन्दा विरगञ्ज पुग्नुभएको छ । आजविहान नेपाली कलाकारको टोलीसहित उहाँ सिमराहुादै विरगञ्ज पुग्नुभएको हो ।
उहाँ वीरगञ्जमा आयोजित ‘नेपाल चलचित्र स्वर्णिम महोत्सवमा सहभागी हुन नेपाल आउनुभएको हो । सोमबार पत्नी सुनितासँगै नेपाल आउनुभएका उहाँले हिजो बिहान पशुपतिनाथ, गुह्वेश्वरी र बूढानीलकण्ठको दर्शन गर्नुभएको थियो । गोविन्दाको पत्नी सुनिता नेपाली हुनुहुन्छ ।
गत वर्ष पनि उहाँ एक चलचित्र अवार्ड कार्यक्रममा सहभागी हुन नेपाल आउनुभएको थियो । उहाँसँगै भारतमा रहनुभएकी नेपाली अभिनेत्री निरुता सिंहसमेत आउनुभएको छ । चलचित्र निर्माता सङ्घको आयोजनामा बुधबारदेखि पर्साको वीरगञ्जमा हुने उक्त कार्यक्रममा पुराना र नयाँ कलाकारले विभिन्न चलचित्रका गीतमा नृत्य प्रस्तुत गर्नेछन् ।
महोत्सवमा सहभागी हुन पाउँदा आफूलाई निकै खुशी लागेको र आफ्नो समेत प्रस्तुती रहेको बरिष्ठ गायक यम बरालले खसोखासलाई जानकारी दिनुभयो । बराल लगायतका कलाकारले गोविन्दालाई विमानस्थलमा स्वागत समेत गर्नुभएको थियो ।