राष्ट्रपति एवं उपराष्ट्रपतिद्वारा कमलपोखरीमा छठपूजा, पूर्वयुवराज्ञी हिमानी शाह पनि नागपोखरीमा
प्रकाशित मिति : कार्तिक १६, २०७६ शनिबार
राष्ट्रपति विद्यादेवी भण्डारीले कमलपोखरीमा निर्माण गरिएको छठ घाटमा आज अस्ताउँदो सूर्यलाई अघ्र्य दिई छठीमाताको पूजा आराधना गर्नुभयो ।
राष्ट्रपति भण्डारी कमलपोखरीस्थित छठ घाट निर्माण गरिएको स्थलमा पुग्नुहुँदा काठमाडौँ महानगरपालिकाका प्रमुख विद्यासुन्दर शाक्य, विभिन्न वडाका अध्यक्षहरु, कमलपोखरी छठ पूजा समाजका पदाधिकारीलगायतले स्वागत गर्नुभएको थियो ।
कमलपोखरीमा नौ वर्षअघिदेखि छठ पूजा आयोजना गर्न सहयोग गर्नुहुनेहरुलाई राष्ट्रपति भण्डारीले सम्मानसमेत गर्नुभयो ।
यसैगरी उपराष्ट्रपति नन्दबहादुर पुनले पनि कमलपोखरी पुगेर छठीमाताको पूजा आराधना गर्नु भई अस्ताउँदो सूर्यलाई अघ्र्य दिनुभयो ।
यसैबीच पूर्वयुवराज्ञी हिमानी शाहले नागपोखरीमा निर्माण गरिएको छठ घाटमा पूजा आराधना गर्नुभई अस्ताउँदो सूर्यलाई अघ्र्य दिनुभयो ।
