Follow @khasokhasmag

तामाङ सोसाईटी अफ अमेरिकाको अध्यक्ष उम्मेदवारमा शान्त थोकर


प्रकाशित मिति : श्रावण २८, २०७३ शुक्रबार

प्रशान एलुङ राई

तामाङ सोसाईटी अफ अमेरिकाको अध्यक्ष पदमा शान्तबाबु थोकरले उम्मेदवारी दिने घोषणा गरेकाछन् । थोकरले न्युयोर्कमा आयोजित पत्रकार भेटघाट कार्यक्रम मार्फत उक्त जानकारी गराएका हुन् ।

सोसाईटीको आठौं अधिवेसन आगामी अगस्ट महिनाको २८ तारिख न्युयोर्कमा सम्पन्न हुँदैछ ।

दुई बर्षे कार्यकालको लागि अमेरिकामा रहेका समग्र तामाङ समुदायको बृहत्तर हकहितको लागि काम गर्ने उद्देश्यसँगै सोसाईटीको नेतृत्वमा आफ्नो उम्मेदवारी रहने थोकरले पत्रकार भेटघाट कार्यक्रममा बताए । यस अघि थोकरले सन् २००८ देखि २०१० मा संस्थाका तात्कालिन अध्यक्ष इन्द्र बहादुर तामाङको अध्यक्षकालमा महासचिव भएर कार्य सम्पादन गरिसकेकाछन् ।

नेपालको दोलखा जिल्लामा जन्मिएका शान्तबाबु थोकर नेपाल रहदा सोतोकन कराँतेसँग आवद्ध खेलाडी एवं प्रशिक्षक हुन । सन् २००७ मा अमेरिका आएसँगै बिभिन्न सामाजिक कार्यमा संलग्न थोकरले सन् २००७ सालदेखि नै ईन्टरनेश्नल मार्सल आर्टस एसोसियसन अन्तर्गत डोजो संचालन गर्दै आएकाछन् । उक्त डोजोका उनी संचालक एवं मुख्य प्रशिक्षक हुन । त्यसो त उनी अमेरिकामा बिभिन्न खेलसँग आबद्ध खेलाडीहरुको संलग्नतामा स्थापित युसनेपाल स्पोर्ट्स एण्ड कल्चर डेभ्लभ्मेन्ट ईन्कको संस्थापक महासचिव समेत हुन ।
पत्रकार भेटघाट कार्यक्रममा संस्थाका पुर्व अध्यक्ष एवं सल्लाहकारहरुले थोकरको उम्मेदवारीमा शुभकामना व्यक्त गरे । यसरी शुभकामना मन्तव्य दिनेहरुमा सुबास लामा स्याङ्बो, राम तामाङ, भरत मोक्तान तामाङ, बंशलाल मोक्तान र सुर्य पाख्रिन तामाङ लगायत रहेका थिए ।

अधिवेसन मिति नजिकदै गर्दा नेतृत्वको लागि थोकरसँगै अन्यको पनि उम्मेदवारी आउने समुदायका एक सहभागीले प्रेस चौतारी डटकमलाई बताए । उम्मेदवारी अन्यको पनि आउने र नेतृत्वको लागि निर्वाचन निश्चित हुने उनको जिकिर थियो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com