अमेरिकामा कागजपत्रविहिनलाई कागजपत्रदिने ट्रम्पको नयाँ योजना

प्रकाशित मिति : फाल्गुन १८, २०७३ बुधबार

आप्रवासीहरुप्रति अनुदार नीति लिदै आएका अमेरिकी राष्ट्रपति डोनाल्ड ट्रम्पले आप्रवासी सम्बन्धि नीतिमा आमूल परिवर्तनको संकेत दिएका छन् ।

अमेरिकामा रहेका कागजपत्रविहिनलाई कागजपत्रको कानुनी बाटोमा लैजान आफू सकारात्मक रहेको राष्ट्रपति ट्रम्पको भनाईलाई न्युयोर्क टाइम्सले आप्रवासी नीतिमा आमूल परिवर्तनको संकेतका रुपमा ब्याख्या गरेको छ ।

मंगलबार संचारकर्मीहरुसँग कुरा गर्दै ट्रम्पले गम्भिर अपराध नगरेका लाखौं कागजपत्रविहिनहरुलाई अमेरिकामा कानुनी हैसियतको बाटोमा लैजान आफू खुल्ला रहेको बताएपछि अमेरिकामा रहेका कागजपत्रविहिनमा आशाको संचार भएको छ ।

ह्वाइटहाउसमा टेलिभिजनका प्रस्तोताहरुसँगको भेटमा ट्रम्पले यो समय अध्यागमनका क्षेत्रमा नयाँ कानुन ल्याउने समय भएको बताएका छन् ।

डोनाल्ड ट्रम्पले गम्भिर अपराध नगरेकय कागजपत्रविहिनका लागि उनले कानुनी हैसियत प्रदान गर्नसक्ने बताएपछि यसलाई टेलिग्राफले पनि मुख्य नीतिगत वदलावको संकेत भनेको छ ।

ट्रम्पको सम्भावित नीतिले अपराध नगरेका कागजपत्रविहिनहरुलाई अमेरिकी नागरिकताको बाटोमा नलगेपनि अमेरिकामा नै बस्न पाउने गरी कानुनी हैसियत भने प्रदान गर्नसक्ने बताइएको छ ।

ह्वाइट हाउसले ट्रम्पको सम्भावित नीतिका बारेमा आएको यस्तो समाचारको कुनै खण्डन गरेको छैन ।

बुधबार ट्रम्पले नयाँ कार्यकारी आदेशमा हस्ताक्षर गर्नु अगाडि यस्तो भनाई आएको हो ।

विभिन्न सातवटा मुस्लिम बाहुल्यदेशका नागरिकलाई अमेरिकामा यात्रा प्रतिबन्ध लगाउने डोनाल्ड ट्रम्पको कार्यकारी आदेश कार्यान्वयनमा अदालतले रोक लगाएपछि बुधबार ट्रम्पले नयाँ आदेशमा हस्ताक्षर गर्ने भएका छन् ।

ट्रम्पले बुधबार हस्ताक्षर गर्न लागेको नयाँ कार्यकारी आदेश यात्रा प्रतिबन्ध लगाउने पूरानै आदेशको पुनरावलोकन भएको बताइएको छ । तर ट्रम्पले हस्ताक्षर गर्न लागेको नयाँ आदेशमा पहिले नै भिसा लिइसकेका र ग्रिनकार्ड भएका मुस्मिल बाहुल्य सातदेशका नागरिकहरुलाई अमेरिकायात्रामा प्रतिबन्ध लगाइने छैन ।

तर ती देशका नागरिकहरुलाई नयाँ भिसा प्रदान गर्नमा भने प्रतिबन्ध लगाइने वालस्ट्रीट जर्नलले जनाएको छ । गतमहिना ट्रम्पले जारी गरेको कार्यकारी आदेशले भिसा प्राप्त गरिसकेका सात मुस्लिम बाहुल्य देशका नागरिकका भिसा खारेज गर्दै अमेरिकय आउनमा प्रतिबन्ध लगाएको थियो ।

अमेरिकी सरकारको डिपार्टमेन्ट अफ स्टेटले सातदेशका नागरिकका ६० हजार जनाका भिसा खारेज गरिएको जनाएको थियो ।

ट्रम्पले बुधबार जारी गर्न लागेको कार्यकारी आदेशबाट ग्रिनकार्ड पाइसकेका सात मुस्लिम बाहुल्य देशका नागरिकहरु प्रभावित नहुने बताइएको छ । जारी गर्न लागिएको नयाँ कार्यकारी आदेशपनि इराक, इरान, सिरिया, यमन, सुडान, लिबिया र सोमालियाप्रति नै लक्ष्यित हुनेछ ।

जारी हुन लागेको कार्यकारी आदेशको ड्राफ्टमा भोलिसम्म केही परिवर्तन समेत हुनसक्ने जनाएको छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com