एनआरएनए उपाध्यक्ष आचार्यको घरमा तोडफोड !
प्रकाशित मिति : आश्विन १८, २०७६ शनिबार
गैरआवासीय नेपाली संघ एनआरएनएका उपाध्यक्ष कुल आचार्यको घरमा अज्ञात समूहले तोडफोड गरेको छ । एनआरएनएको अध्यक्षका प्रत्यासी आचार्यको ललितपुरको सानेपा हाइटस्थित घरमा शुक्रबार तोडफोड भएको हो ।
ललितपुर प्रहरीका अनुसार घरको झ्यालका सीसा फुटेका छन् । अन्यत्र पनि आक्रमणको प्रयास भएको देखिएको छ ।
हतियारद्वारा आक्रमणको प्रयास भएकोले उच्च निगरानीका साथ घटनास्थलको अध्ययनपछि निष्कर्षमा पुग्ने प्रहरीले जनाएको छ ।
आचार्यको घरमा आक्रमण भएपछि प्रहरीले आसपासको क्षेत्रमा निगरानी सुरु गरेको छ । तोडफोडको विषयलाई लिएर अनुसन्धान थालेको प्रहरीले जनाएको छ । आचार्यले आगामी विश्व सम्मेलनमा एनआरएनएको अध्यक्ष पदको उम्मेदवारी घोषणा गरिसकेका छन् ।