सयौंलाई रोजगार दिने सयबढी ग्यास स्टेशनका मालिक दिपेश , विहेकै दिनमा पनि काममा
प्रकाशित मिति : आश्विन ४, २०७६ शनिबार
सयौंलाई रोजगार दिन सफल भएका अमेरिकाको टेक्सास निवासी दिपेश श्रेष्ठले आफू बिहेको दिनमा पनि काममा गएको अनुभव सुनाएका छन् । सूर्य थापाको टेलिभिजन कार्यक्रम यु स्टार्ट अगेनमा आफ्नो कथा सुनाउदै टेक्सासको डल्लासमा रहेका नेपाली युवा ब्यवासयी दिपेशले दश बर्षमा राम्रो ब्यवसायीक सफलता हात पार्न सहज यात्रा नभएको बताएका छन् ।
दिपेश भन्छन् – ‘त्यतिबेला संघर्षको सयम थियो त्यसैले मैले बिहे भनेर बिदा पनि लिईन ।’
सय भन्दा धेरै ग्यांस स्टेशनका मालिक दिपेशले हाल आईटी, रियल स्टेट लगायतका धेरै ब्यवसायमा हात हालेका छन् । अमेरिकादेखि नेपालसम्म व्यवसायीक सफलता हात पारेका दिपेशले अधिकासं व्यवसाय साझेदारिमा गरेका छन् । नेपालीहरु साझेदारी गर्न सक्दैनन् भन्ने आरोप गलत सावित गरेका दिपेश नयां सोंच हुनेहरुलाई सधै व्यवसायमा हौसला प्रदान गर्छन् ।
