बेलायतमा स्नातक वा स्नातकोत्तर गर्ने विदेशी विद्यार्थीलाई दुईबर्षको कामदार भिसा

बेलायती विश्वविद्यालयबाट स्नातक वा स्नातकोत्तर गर्ने विदेशी विद्यार्थीहरुलाई दुई बर्षको कामदार भिसा प्रदान गरिने भएको छ । टरिजा मेको कडा अध्यागमन नीतिलाई उल्टाउँदै सरकारले यस्तो घोषणा गर्न लागेको हो । सन् २०१२ भन्दा अगाडिको नीतिमा सरकार फर्कन लागेको जनाइएको छ ।

वर्तमान नीति अनुशार बेलायतमा स्नातक वा स्नातकोत्तर गर्ने विदेशी विद्यार्थीहरुलाई जम्मा ४ महिनामात्र काम गर्न अनुमति रहेको छ । आगामी बर्षदेखि भने सबै अन्तर्राष्ट्रिय विद्यार्थीहरु २ बर्षका लागि काम गर्न योग्य हुनसक्ने जनाइएको छ । जसले गर्दा बेलायतमा अध्ययनपछि दीर्घकालिन रोजगारी खोज्न उनीहरुलाई प्रयाप्त समय मिल्नेछ ।

नयाँ नीति अन्तरगत भिसा संख्यामा कुनै सिमाबन्दी हुनेछैन भने बेलायती डिग्री लिनेहरुलाई उनीहरुको क्षमता वा डिग्री लिएको विषय बाहेकका अन्य क्षेत्रमा पनि जागिरका लागि आवेदन दिनमा रोक लगाइनेछैन । नयाँ नीतिको उद्देश्य गणित, विज्ञान प्रविधि र इन्जिनियरिङ लगायतका क्षेत्रमा दक्षहरुलाई रोजगारी दिनुसमेत रहेको जनाइएको छ ।

गतबर्षमात्र युरोपियन युनियनबाहेक बेलायती विश्वविद्यालयबाट ४ लाख ६० हजार विदेशी विद्यार्थीहरु शिक्षित भएका थिए । सरकारको लक्ष्य १० वर्ष भित्र यो संख्या ६ लाख बनाउनु रहेको छ ।

प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar
Contributing Editor : Bhupendra Thapa
© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com