न्युयोर्कको नेपाली महावाणिज्यदूतावासमा सरुवा कार्कीलाई दिएन अमेरिकाले भिसा

खसोखास अमेरिका ब्यूरो

---

प्रकाशित मिति : भाद्र १६, २०७६ सोमबार

न्युयोर्कको नेपाली महावाणिज्यदूतावासमा वाणिज्यदूतका रुपमा सरुवा भएका जितबहादुर कार्कीलाई अमेरिकी दूतावासले भिसा दिन अस्वीकार गरेको खुलासा भएको छ । परराष्ट्रमन्त्री प्रदिप ज्ञवालीका स्वकिय सचिव रहेका शाखा अधिकृत जितबहादुर कार्कीलाई अमेरिकी दूतावासले भिसा नदिएको जनाइएको छ ।

कार्कीलाई कुटनितिक राहदानीमा समेत भिषा दिन अस्विकार गरेपछि न्युयोर्कको महावाणिज्यदूतावासमा वाणिज्यदूतको पद झण्डै दुईमहिनादेखि रिक्त रहेको छ । यसअगाडि उक्त पदमा शाखा अधिकृत कृसु क्षेत्री कार्यरत रहेका थिए ।

कार्की नासु हुंदा वासिङटनस्थित नेपाली दूतावासमा कार्यरत रहेका थिए । कार्कीका परिवारका सदस्यले टिपिएसमा आवेदन दिएका कारण उनको भिषा अस्विकृत हुनसक्ने जनाइएपनि भिसा अस्वीकृत हुनुको कारण खुलेको छैन ।

अमेरिकाको भिसा नपाएपछि कार्कीले अमेरिका बाहेक अरु देशमा जानको लागी पहल गरिरहेको जनाइएको छ । हाल कार्की परराष्ट्रमन्त्री प्रदिप ज्ञवालीका स्वकिय सचिव रहेका छन् ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्