Follow @khasokhasmag

अमेरिकामा निर्मित अवार्ड विजेता सर्टमुभी ‘कर्मा’ युट्युबमा आउँदै, लिड रोलमा नयनराज


प्रकाशित मिति : भाद्र १३, २०७६ शुक्रबार

अमेरिकामा निर्मित अवार्ड विजेता सर्टमुभी ‘कर्मा’ युट्युबमा आउने भएको छ । यो सर्टमुभीले ग्लोबल फिल्म फेस्टिवलमा उत्कृष्ट कलाकार, उत्कृष्ट निर्देशक, उत्कृष्ट सिनेमेटोग्राफर र उत्कृष्ट रंग संयोजन लगायतका विधामा अवार्ड जितेको थियो ।


आगामी साता युट्युबमा सार्वजनिक हुने उक्त सर्टमुभीको आज टिजर सार्वजनिक गरिएको छ । सर्टमुभी झण्डै १० मिनेट लामो रहेको छ ।

कर्मामा लिड रोलमा अमेरिका निवासी युवा नयनराज पाण्डे रहेका छन् , उनले अमेरिकाको टेक्सासबाट आर्टमा एसोसिएट पूरा गरिसकेका छन् भने आगामी जनवरीदेखि ब्याचलर अध्ययनको तयारीमा छन् ।

पाण्डेले यसअगाडि पनि ‘भोलि देखि छोडिदिन्छु’ लगायतका सर्टमुभीमा अभिनय गरेका थिए । जुन युट्युबमा झण्डै साढे ६ लाख पटक हेरिएको थियो ।

कर्मामा गणेश उप्रेती, एलिसिया राय अण्डरउड, प्रकाश शर्मा, सुमित पाण्डे, प्रशान्त उप्रेती, रेबेकाह बु्रक्स, रिचार्ड डक र प्रविश श्रेष्ठको अभिनय रहेको छ । चलचित्रको सम्पादन र रंग संयोजन सुरेन्द्रमान सिंहले गरेका हुन् ।

केदार उप्रेतीको निर्माण र निर्देशन रहेको सर्टमुभी ६ सेप्टेम्बरमा सार्वजनिक हुनेछ । जसले आफ्नो ड्रामा बनाउँछ, त्यो नै आफ्नो कर्माका लागि योग्य हुन्छ भन्ने मर्मसहित सर्टमुभी निर्माण गरिएको हो । नेपाली र अमेरिकी कलाकारको अभिनय रहेको यो सर्टमुभी धेरैका लागि बहुप्रतिक्षित रहेको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com