अमेरिकामा नेपाली विद्यार्थीलाई पौने ३ लाख डलरको छात्रबृत्ति
प्रकाशित मिति : भाद्र १०, २०७६ मंगलबार
अमेरिकामा नेपाली विद्यार्थी जेनिशा खडकाले प्रतिष्ठित विश्वविद्यालयमा झण्डै पौने ३ लाख डलर बराबरको छात्रबृत्ति प्राप्त गरेकी छिन् । उनले फेयर फिल्ड युनिभर्सिटी कनेक्टिकटमा छात्रबृत्ति सहित भर्ना पाएकी हुन् । यो युनिभर्सिटी अमेरिकाको महँगो र प्रतिष्ठित अन्तरगत पर्छ ।
उनी नेपालको ललितपुर जिल्लाको लुभुबाट अमेरिकाको कनेक्टिकट आएर बसेका सुजित कुमार खड्का र जानकी कार्की खड्काकी छोरी हुन् ।उनीहरु डिभी लोटरीमार्फत अमेरिका आएका थिए । खड्का परिवारले आफु दुख गरेर पनि आफ्नो एक्ली छोरी जेनिशा खडकालाइ सदैव अध्यनको निम्ती प्रेरित गरेको जनाएका छन् ।
पढाईमा अब्बल जेनिशाले पनि आफ्नो पुरै समय र सामर्थ्य पढाईमा केन्द्रित गरेका कारण हाइस्कुलमा राम्रो ग्रेड ल्याएर उत्तिर्ण गरेकी थिइन् । जसका कारण प्रतिष्ठित र महँगो युनिभर्सिटीमा छात्रबृत्ति पाएकी हुन् ।
हाइस्कुलमा जस्तै कलेजमा मिहिनेत गरेरै सफलता पाउने जेनिशाले दृढता व्यक्त गरेकी छिन् । हजारौं डलरको स्कलरशिप पाएकोले मात्रै उपयोग गर्न पाएको अवसरलाई खेर जान नदिने र आफ्नो मिहिनेतले प्राप्त सफलताले आफ्नो परिवारलाइ मात्रै हैन आफ्नो मातृभुमिलाइ समेत गौरव गर्न सक्ने बनाउने उनको भनाई छ ।
उनले उक्त युनिभर्सिटीबाट ४ बर्षे माइक्रो बायोलोजी कोर्स पूरा गर्नेछिन् ।