Follow @khasokhasmag

नेपालीलाई थाइल्याण्डको भिसामा कडाई गरिने


प्रकाशित मिति : भाद्र ९, २०७६ सोमबार

थाइल्याण्डको अध्यागमन ब्यूरो र प्रान्तीय अध्यागमन कार्यालयले विश्वका ४७ देशका लागि भिसामा कडाई गर्ने भएको छ भने नेपाल लगायतका केही देशका लागि समेत त्यस्तो कडा नियम लगाउने तयारी गरेको छ । ४७ देशका नागरिकहरुले थाइल्याण्डको भिसाका लागि प्रहरीको सफाई प्रमाणपत्र पेश गर्नुपर्ने भएको छ ।

नयाँ नियमका कारण भिसा जारी हुनका लागि १० देखि १५ दिनसम्मको अवधि लम्बिन सक्ने जनाइएको छ । खासगरी थाइल्याण्डको लामो भिसाका लागि त्यस्तो प्रावधान लागु हुनेछ । नयाँ नियमबाट प्राथमिक आवेदकहरु प्रभावित हुने तर उनीहरुका डिपेन्डेन्टहरुभने प्रभावित नहुने जनाइएको छ ।

अध्यागमन ब्यूरो, वान स्टप सर्भिस सेन्टर र प्रान्तीय अध्यागमन कार्यालयमा लामो समयको प्रारम्भिक भिसा वा नविकरणका सन्दर्भमा नयाँ नियम लागु हुनेछ । प्रहरी सफाईका लागि आवेदकहरु बैंककको राष्ट्रिय प्रहरी ब्यूरोमा वा प्रान्तीय प्रहरी कार्यालयमा भौतिकरुपमा नै उपस्थीत हुनुपर्नेछ ।

कागजपत्रमा कडाईको नियम नेपाल, पाकिस्तान, श्रीलंका र भारतका नागरिकहरुका सन्दर्भमा पनि लागु गर्ने तयारी भएको जनाइएको छ । यसअगाडि नेपालीलाई थाइल्याण्डको भिजिटर भिसा पनि सहजै उपलब्ध गराइदै आएकोमा केहीसमयदेखि कागजपत्रको प्रकृयामा केही कडाई गरिएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com