Follow @khasokhasmag

सामान्य दक्षता भएका कामदारको ग्रिनकार्ड कोटा चालु आर्थिक बर्षका लागि पूरा


प्रकाशित मिति : भाद्र ५, २०७६ बिहीबार

ईबी थ्री श्रेणीमा सामान्य दक्षता भएका कामदारका लागि ग्रिनकार्ड कोटा चालु आर्थिक बर्षका लागि पूरा भएको अमेरिकी विदेश मन्त्रालयले जनाएको छ । आर्थिक बर्ष २०१९ को अन्त्यसम्मकै लागि ग्रिनकार्ड कोटा समाप्त भएकाले यो श्रेणीमा चालु आर्थिक बर्षमा थप ग्रिनकार्ड स्वीकृत नगरिने भएको छ ।

यो श्रेणीमा बार्षिक ग्रिनकार्डको कोटा विश्वभरबाट ४० हजार रहेको छ । दक्ष, पेशागत र अन्य कामदारका लागि यो कामदार श्रेणी छुट्याइएको छ । विज्ञान, कला, शिक्षा, ब्यापार, खेलकुद लगायतका क्षेत्रमा अतिदक्षका लागि ईबी वान ग्रिनकार्ड श्रेणी छुट्याइएको छ । जसका लागि कुनै स्पोन्सरको जरुरत पर्दैन भने व्यक्तिले आफै पनि आवेदन दिन सक्छन् । असाधारण योग्यता भएका एड्भान्स डिग्री होल्डरका लागि ईबी टु श्रेणी छुट्याइएको छ ।

ईबी थ्रीका लागि युएससीआईएसले आवेदन प्राप्त गर्ने भएतापनि ग्रिनकार्ड भने उपलब्ध भइसकेपछिमात्र स्वीकृत गर्नेछ । अन्तरवार्ता तय भइसकेका आवेदकहरुले पनि अन्तरवार्ताको तयारी गर्न सुझाव दिइएको छ । तर युएससीआईएसका अधिकारीहरुले अन्तरवार्ताको नयाँ मिति पनि दिनसक्नेछन् ।

अमेरिकामा नयाँ आर्थिक बर्ष अक्टोबर १ देखि सुरु हुन्छ । नयाँ आर्थिक बर्ष सुरु भइसकेपछि नयाँ भिसाको कोटा सुरु हुन्छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com