भारतीय दूतावासले पठाएको पत्र मैले नै प्रधानमन्त्रीलाई दिएको हो : मन्त्री खनाल
प्रकाशित मिति : असार २७, २०७६ शुक्रबार
‘भारतीय दूतावासले विषादी परीक्षणबारे नेपाल सरकारलाई पठाएको पत्र मैले नै प्रधानमन्त्रीलाई दिएको हो’, उहाँले भन्नुभयो दूतावासले पठाएको पत्र नेखाएर मन्त्री र कर्मचारीहरुले नदेखाएर आफुलाई गुमराहमा राखिएको जनाउँदै प्रधानमन्त्री ओलीले बिहीबार संघीय मन्त्रालयमा भएको कार्यक्रममा माफी नै माग्नु भएको थियो ।
करिव एक घण्टा प्रयोगशालाको निरीक्षणपछि उहाँले संचारकर्मीमाझ प्रचार गरिएजस्तो भारतबाट आयातीत तरकारी तथा फलफूलमा विषादी नभएको परीक्षणका क्रममा पाइएको स्पष्ट पार्नु भयो । उहाँले दैनिक तरकारी तथा फलफूलको विषादी परिक्षणको काम भईरहेकाले सर्वसाधारणले पनि डराउनुपर्ने स्थित नरहेको पनि बताउनु भयो । केन्द्रमा रहेको सो प्रयोगशालामा सबै प्रकारको विषादीको परीक्षण हुने र अन्य ठाउँमा रहेका ८ वटा प्रयोगशालाबाट पनि तरकारी तथा फलफूलको विषादी परिक्षणको काम भईरहेको मन्त्री खनालको दावी छ ।
मन्त्री खनालले जनस्वास्थ्यलाई ख्यालमा राखेर सरकारले ४ महिना अघि नै २१ वटा विषादीको प्रयोगमा प्रतिबन्ध लगाएको पनि स्मरण गराउनु भयो । मन्त्री खनालका अनुसार नेपालमा हाल विषादी परीक्षणका लागि केन्द्रमा एक र देशका अन्य भागमा गरी ८ वटा प्रयोगशाला रहेका छन । विश्व खाद्य संगठनले २०७१ सालमा स्थापना गरेको केन्द्रिय कृषि प्रयोगशालामा सबै खालको विषादीको परीक्षण हुन्छ । अन्य ८ ठाउँबाट पनि खाद्य बस्तुहरुको विषादी परीक्षण भईरहेको छ । मन्त्री खनालले त्यतिले मात्रै नपुगेका कारण भन्सार नाकाहरुमा पनि विषादी चेकजाँचको व्यवस्था गर्नुपर्ने आवश्यक्ता मन्त्रालयले औंल्याएको पनि बताउनु भयो ।
सरकारले विषादीको प्रयोगलाई कम गर्दै लैजान विभिन्न प्रदेशहरुमा प्राङगारिक मल उत्पादनका लागि ५२ करोडको बजेटको व्यवस्था पनि गरेको कृषि तथा पशुपंक्षी विकास मन्त्रालयको दावी छ ।