न्युयोर्कमा अमेरिकाकै ठूलो फायरवर्क्स, ब्रुक्लीन ब्रिज र न्युयोर्कको आकाश जाज्वल्यमान


प्रकाशित मिति : असार १९, २०७६ बिहीबार

ऋमेरिकी स्वतन्त्रता दिवशको अवशरमा न्युयोर्कमा गरिएको फायरवर्क्सको दृश्यले ब्रुक्लीन ब्रिज र न्युयोर्कको आकाश जाज्वल्यमान भयो ।

बेलुका ९ बजेर २५ मिनेट जाँदा ब्रुक्लीन ब्रिज नजिकै इस्ट रिभरमा सुरु भएको फायरवर्क्स झण्डै आधाघण्टा चल्यो ।

 

७० हजारभन्दा धेरै शेलहरु पड्काइएको फायरवर्क्स हेर्न हजारौंको भींड लागेको थियो ।

२५ हजार शेल र विशेष इफेक्ट ब्रुक्लीन ब्रिजका एकसयवटा प्वाइन्टबाट विष्फोट गराइएको थियो भने बाँकी शेलहरु इस्ट रिभरमा ४ वटा डुंगाबाट विष्फोट गराइएको थियो ।

फायरवर्क्सका लागि ६० जना प्राविधिकहरुले १२ दिनसम्म काम गरेका थिए । मेसीको यो फायरवर्क्स अमेरिकाकै सबैभन्दा ठूलो भएको बताइएको छ ।

न्युयोर्कमा स्वतन्त्रता दिवशको अवशरमा मेसीजले हरेकबर्ष आतसवाजीको आयोजना गर्दै आएको छ ।

अमेरिकाको जन्मदिनका रुपमा अमेरिकामा स्वतन्त्रता दिवश मनाउने गरिन्छ ।

तस्वीर : एजेन्सीको सहयोगमा

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com