बैंककको इन्टरनेशनल फेशन उत्सवमा चम्किए नेपाली मोडल दिक्पाल कार्की

खसोखास अमेरिका ब्यूरो

---

प्रकाशित मिति : असार १६, २०७६ सोमबार

बैंककमा आयोजित थाइल्याण्ड इन्टरनेशनल फेशन उत्सवमा मिस्टर मोडल अफ द वल्र्ड दिक्पाल कार्की रयाम्पमा उत्रिएका छन् । उनी चर्चित फेशन डिजाइनर र ब्राण्डका पोशाकसहित रयाम्पमा उत्रिएका हुन् ।

अल्टिच्युड इन्टरनेशनल गु्रप थाइल्याण्डको आयोजनामा भएको फेशन उत्सवमा कार्की पोलिस बोडी साइज, थाइ च्यारिटी कलेक्सन र अन्सु पाण्डेको डिजाइनमा रन वे मोडलका रुपमा सहभागी भए ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

उत्सवका लागि आयोजक संस्थासँग नेपालका तर्फबाट ड्रिम सर्च एजेन्सीले समन्वय गरेको थियो । जसका सीईओ कमल निकोन क्षेत्री रहेका छन् । ड्रिम सर्च एजेन्सीले नेपाली मोडलहरुलाई विभिन्न अन्तर्राष्ट्रिय शोहरुमा प्लेटफर्मका लागि समन्वय गर्दै आएको छ ।

फेशन, प्रेम र संस्कृतिलाई प्रनिनिधित्व गर्ने गरी थाइल्याण्ड र अन्य विदेशी फेशन डिजाइनरहरुलाई एउटै प्लेटफर्ममा ल्याउनका लागि फेशन शो गरिएको आयोजकको भनाई छ ।

विभिन्न अन्तर्राष्ट्रिय फेशन शो र प्रतियोगिताहरुमा सहभागिता जनाउँदै आएका नेपाली मोडल दिक्पाल कार्कीले आइतबार सम्पन्न यो फेशन उत्सवमा सहभागी हुन पाउँदा खुशी व्यक्त गरे ।

थप भिडियो :