ट्रम्प भर्सेस न्यायालय : कार्यकारी आदेश कार्यान्वयनका लागि गरिएको पुनरावेदन अस्वीकार


प्रकाशित मिति : माघ २३, २०७३ आईतबार

अमेरिकी सरकारको कानुन मन्त्रालय (डिपार्टमेन्ट अफ जस्टिस) ले राष्ट्रपति डोनाल्ड ट्रम्पको कार्यकारी आदेश पुनबहाल गराउनका लागि हालेको अनुरोधलाई पुनरावेदन अदालतले अस्वीकार गरिदिएको छ ।

सातवटा मुस्लिम देशहरुका व्यक्तिलाई भिसामा प्रतिबन्ध लगाउने र शरणार्थी कार्यक्रममा अस्थायी रोक लगाउने ट्रम्पको कार्यकारी आदेश सदर गराउन अनुरोध गर्दै सरकारले ट्रम्पका पक्षमा पुनरावेदन अदालतमा अनुरोध गरेको थियो ।

पुनरावेदन अदालतले पनि कार्यकारी आदेशको विपक्षमा सरकारी पुनरावेदन अस्वीकार दिएपछि यसलाई ट्रम्प प्रशासनको ठूलो पराजयका रुपमा हेरिएको छ । साथै ट्रम्पको कार्यकारी आदेशमा रोक लगाउने निर्णय सुनाएका शियाटलका न्यायाधिसको निन्दा गर्ने ट्रम्पलाई अर्को झड्का लागेको छ ।

राष्ट्रपति ट्रम्पले इरान, इराक, लिबिया, सोमालिया, सुडान, सिरिया र यमनका नागरिक तथा शरणार्थीमाथिको प्रतिबन्ध अमेरिकालाई मुस्लिम अतिवादीहरुबाट बचाउनका लागि आवश्यक भएको बताउदै आएका छन् । शियाटलका न्यायाधिसको निर्णय र पुनरावेदन अस्वीकारपछि प्रभावित देशहरुका नागरिकहरुलाई तत्कालिन रुपमा अमेरिका आउनका लागि बाटो खोलेको छ ।

पुनरावेदनको संक्षिप्त निर्णयमा वासिंटनको शियाटलका संघीय न्यायाधिसको निर्णयलाई खारेज गर्नका लागि दिइएको आवेदन अस्वीकार गरिएको छ । सोमबार वासिंटन र मिनेसोटाको राज्य एवं सरकारका तर्फबाट थप प्रस्तुतीको अपेक्षा गरिएको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com