नेपालीको लगानीमा संचालित सगुनको मुल्य २ मिलियनबाट १९३ मिलियन डलर
प्रकाशित मिति : जेष्ठ २५, २०७६ शनिबार
नेपालीको लगानीमा संचालित सामाजिक सञ्जाल सगुनको मुल्य १९३ मिलियन अमेरिकी डलर नाघेको सगुनले दावी गरेको छ । सन् २०१३ मा सुरुवात हुँदा सगुनको मुल्य २ मिलियन अमेरिकी डलर निर्धारण गरिएको थियो ।
स्वतन्त्र पेशागत मुल्य निर्धारक फर्महरुको सहयोगमा मुल्य निर्धारण गरिएको र त्यसमा सगुन लाइट लगायतका उत्पादनहरुलाई समावेश नगरिएको जनाइएको छ । सगुन लाइट अहिले एन्ड्रोइड र आईओएस एप्लिकेशनमा पनि उपलब्ध रहेको छ ।
पोष्टहरुलाई शीर्षक अनुशार वर्गिकरण गर्ने जस्ता वर्तमान सामाजिक सञ्जालहरुमा उपलब्ध नभएका विशेषताहरु सगुनमा रहेका छन् । साथै प्रयोगकर्ताले युट्युबमा जस्तै अज्ञात रहेर अर्थात् पोष्ट गर्ने व्यक्तिले नचिन्ने गरी लाइक, अनलाइक गर्नसक्ने सुविधा समेत सगुनमा रहेको छ । जसका कारण प्रयोगकर्ताले कुनै हिचकिचाहट विना नै आफ्नो अभिवक्ति लाइक, अनलाइकमार्फत व्यक्त गर्न सक्छन् ।
हाल सगुनका वेवसाइट र एप्लिकेशनमा झण्डै ३२ लाख प्रयोकर्ताहरु रहेको सगुनले जनाएको छ । त्यस्तै सोसल स्मार्ट कार्डका लागि पूर्वाधार तयार भइसकेको तथा गोप्य सन्देश, मुड टक जस्ता विशेषताहरु आउन लागेको जनाइएको छ ।
सगुनमा हालसम्म विश्वभरका ६४ देशबाट साढे ४ मिलियन डलर भन्दा धेरै लगानी भइसकेको छ ।
