प्लास्टिक सर्जरीबाट रुप बिग्रिएका बलिउड अभिनेत्रीहरु
बलिउडमा प्लास्टिक सर्जरी गर्ने अभिनेत्रीको लिस्ट लामो छ । ऐश्वर्या राय बच्चन, शिल्पा शेट्टी, गौहर खान, कैटरिना कैफ, प्रीति जिन्टा लगायत अभिनेत्रीहरुले ग्ल्यामरको लागि प्लास्टिक सर्जरी गरेका छन् । तर, राम्रो देखिनको लागि प्लास्टिक सर्जरी गर्ने अभिनेत्रीहरुले धोका पनि खाएका छन् । जसको कारण उनीहरु ट्रोलको शिकार पनि भएका छन् । प्लास्टिक सर्जरी बिग्रिंदा मोनी राय ट्रोलको शिकार भइन् । यहाँ प्लास्टि सर्जरी बिग्रिएका केही अभिनेत्रीहरुको चर्चा गरिएको छ ।
मोनी राय
सलमान खानको फिल्म ‘भारत’को विशेष शोमा देखिएकी मोनी अहिले सामाजिक सञ्जालमा छाएकी छन् । उनले ओठको सर्जरी गराएकी छिन् । तर, उनको सर्जरी बिग्रिएर ओठ भद्धा देखिएको छ । ट्रोल गर्नेहरुले उनलाई राखी सावन्त र माइकल ज्याक्सनसँग तुलना गरिरहेका छन् । मोनीले पहिला पनि ओठको सर्जरी गरेकी थिइन् । दोस्रो पटक ओठको सर्जरी गर्दा उनलाई भारी परेको छ ।
कंगना रनोट
कंगना रनावतको पहिलो फिल्म ‘ग्याङस्टार’ देखि अहिले सम्म लुक्समा निकै परिवर्तन आएको छ । उनले ओठको सर्जरी गराएकी थिइन् । जसको कारण कंगनाको मजाक उडेको थियो ।
राखी सावन्त
कन्ट्रोभर्सी क्वीन राखी सावन्तले धेरै पटक प्लास्टिक सर्जरी गरेकी छिन् । राखिले प्लास्टिक सर्जरीको कुरा खुलेरै गर्ने गरेकी छिन् । तर पनि उनी ट्रोलको शिकारबाट बच्न सकेकी छैनन् । उनले नाक र वक्षस्थलको सर्जरी गराएकी छिन् । उनको सर्जरी बिग्रेको पनि छ । तर पनि उनी कहिल्यै मुख छोपेर हिडिनन् ।
अनुष्का शर्मा
अनुष्का शर्माले ओठको सर्जरी गराएकी थिइन् । त्यतिबेला उनी सर्जरीले गर्दा ट्रोल भएकी थिइन् । उनको सर्जरी पछि करण जोहरको शोबाट फोटो भाइरल भएको थियो । उनको लिप्सलाई सामाजिक सञ्जालमा ‘डक लिप्स’ भनिएको थियो ।
आयशा टाकिया
आयशा टाकियाले पनि ओठको सर्जरी गराएकी थिइन् । जसको कारण उनको पुरै अनुहार बिग्रिएको थियो । त्यसपछि उनलाई अनुहारको अरु पार्ट पनि सर्जरी गर्नु परेको थियो ।
