Follow @khasokhasmag

बलिउडको जी म्युजिक कम्पनीले रिलिज गर्यो जसवन्त श्रेष्ठको गीत


प्रकाशित मिति : जेष्ठ १९, २०७६ आईतबार

चारपटक एमी अवार्डको नोमिनेशनमा परिसकेका अमेरिका निवासी नेपाली मुलका कलाकार जसवन्त देव श्रेष्ठको गीत बलिउडको जी म्युजिक कम्पनीले रिलिज गरेको छ । अमेरिकाको क्यालिफोर्निया निवासी श्रेष्ठको स्वरमा रहेको गीत भारतको प्रतिष्ठित जी म्युजिक कम्पनीले रिलिज गरेको हो ।

रवी बस्नेतको शब्द र संगीत रहेको तु मुझमे जी रहा है बोलको हिन्दी गीतमा अभिनय पनि जसवन्तदेव श्रेष्ठले नै गरेका छन् । उनलाई अभिनयमा रीम कादेमले साथ दिएकी छिन् । गीत हिन्दी र अँग्रेजी भाषामा रहेको छ ।

क्रियटिभ हाइट्स इन्टरटेन्टमेन्ट क्यालिफोर्नियाले उत्पादन गरेको गीतका उत्पादक जसवन्त देव श्रेष्ठ आफै हुन् । गीत क्यालिफोर्नियामा नै रेकर्ड गरिएको हो । जसवन्तले द ट्रिजन, टाइ द नट, मुस्ताङ सेक्रेट्स वियोण्ड द हिमालयज लगायतका चलचित्रमा समेत अभिनय गरेका छन् ।

उनी सन् २०१६ देखि १८ सम्म ४ पटक एमी अवार्डको नोमिनेशनमा परिसकेका छन् । सन् २०१६ मा ट्राभल शोको संचालकका रुपमा, सन् २०१७ मा ट्राभल शोको दोश्रो भागका लागि, सन् २०१८ मा बृत्तचित्रको निर्देशन र वाचनका लागि एमी अवार्डको नोमिनेशनमा परेका थिए । जसवन्त फेसबुकले निर्माण गरेको विज्ञापन द फस्र्ट डेट नामको विज्ञापनमा पनि देखा परेका थिए । जसलाई करोडौंले हेरेका थिए ।

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com