Follow @khasokhasmag

होमोफोयिबाबिरुद्ध दिवस : समलैंगिक गौरवता झल्काउने नेपाली टिसर्टमा तस्वीर अभियान


प्रकाशित मिति : जेष्ठ ३, २०७६ शुक्रबार

नेपाली मुलका चर्चित बेलायती बेलायती ब्लगर तथा समलैंगिक अभियन्ता लेक्स लिम्बुले होमोफोवियाबिरुद्धको दिवसको अवशर पारेर नेपाली टिसर्टमा समलैगिक गौरवता झल्काउने तस्वीर सार्वजनिक गरेका छन् । अगस्त १६ मा नेपालमा आयोजना गरिने लैंगिक अल्पसंख्यक परेडलाई मध्यनजर गरेर मेटाफर फेशनले नेपालसहित समलैगिक गौरव झल्काउने टिसर्टहरु ल्याएको हो । मे १७ लाई विश्वभर होमोफोबियाबिरुद्धको दिवसका रुपमा मनाउने गरिन्छ ।

लैंगिक अल्पसंख्यकका रुपमा आफूलाई चिनाउन चाहनेका लागिमात्र नभई लैंगिक अल्पसंख्यकको अभियानलाई समर्थन गर्नेहरुका लागि पनि प्राइड नेपाल टिसर्टहरु बजारमा ल्याइएको हो । मे १७ देखि २२ सम्म बेलायत, फ्रान्स र नेपालमा रहेका पाँचजनाले हरेक दिन समलैगिक गौरव झल्काउने टिसर्ट लगाएर तस्वीर सार्वजनिक गर्ने लेक्सले जानकारी दिए ।

९९९ रुपैयामा टिसर्ट किन्नका लागि यहाँ क्लिक गर्नुहोला ।

पहिलो दिन लेक्सले आफ्नो तस्वीर सार्वजनिक गरिसकेका छन् भने योग, सुवी, सफल र अविस्कारले मे २२ सम्म त्यस्ता तस्वीरहरु सार्वजनिक गर्नेछन् । अभियानको उद्देश्य समलैंगिक गौरवलाई स्मरण गर्ने र मनाउने रहेको लेक्सले जानकारी दिएका छन् ।

त्यस्ता टिसर्टहरु मेटाफर अनलाइनमार्फत ९ सय ९९ रुपैयामा किन्न सकिनेछ । समलिंगी नभएकाहरुले समेत यो अभियानलाई समर्थन गर्न त्यस्ता टिसर्टहरु किनेर लगाउन लेक्स लिम्बुले अनुरोध गरेका छन् । टिसर्ट बिक्रीबाट नाफाको रकम समलैंगिक अधिकारका क्षेत्रका काम गर्ने समुह र संस्थाहरुलाई प्रदान गरिनेछ । टिसर्टको डिजाइन साधारण र आकर्षक प्रकारको रहेको छ, जसमा स्वयम्भूनाथ लगायत नेपाल झल्काउने स्थान र सम्पदालाई चित्रित गरिएको छ ।

आफ्नै लैंगिकतालाई स्वीकार्नु वा गौरव गर्नुले आफ्नै यात्रामा सहजता वा समझदारीपन हुने लेक्स लिम्बुको विश्वास छ । लेक्स भन्छन् -‘आफैलाई प्रेम र सम्मान गर्न सकेमामात्र आफूभित्र भएको तागतको अनुभव गर्न सकिन्छ । म त्यस्ता व्यक्तिलाई उनीहरुको यात्राको लागि सहयोग गर्न चाहन्छु र जब उनीहरुका लागि कोही बोल्ने मान्छे आवश्यक पर्छ, म सुनिदिने व्यक्ति बन्न चाहन्छु ।’

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com