क्यानडामा मस्जिद हमलामा ६ को मृत्यु ८ घाइते, हमलाकारी मुस्लिम

प्रकाशित मिति : माघ १७, २०७३ सोमबार

क्यानडाको क्युबेक सिटीमा रहेको क्युबेक इस्लामिक कल्चरल सेन्टर नामको मस्जिदमा गोली चल्दा ज्यान गुमाउनेहरुको संख्या ६ पुगेको छ भने ८ जना घाइते भएका छन् । साँझको प्राथनामा जम्मा भएका ३९ जनाको बीचमा बन्दुकधारी प्रवेश गरेर गोली चलाएको थियो । यो आक्रमण आतंकवादी हमला भए नभएको प्रहरीले अनुसन्धान गरिरहेको छ ।

कालो कपडा लगाएका कम्तीमा दुईजना बन्दुकधारीहरुले प्राथना भइरहेको स्थानमा गोली चलाउन सुरु गरेका थिए । दुईजना बन्दुकधारीलाई नियन्त्रणमा लिइएको छ । उनीहरुमध्ये एकजनालाई मस्जिद नजिकै र अर्कोलाई राजमार्गनेर पक्राउ गरिएको प्रहरीले जनाएको छ ।

हमलामा संलग्न संदिग्ध व्यक्ति मोरक्कोबाट क्यानडामा बसाई सराई गरेको व्यक्ति रहेको अनुसन्धानले देखाएको छ । हमलाकारीमध्ये एक आक्रमण अगाडि अल्लाहु अकबर भन्दै चिच्याएको थियो । आक्रमणकारी संदीग्धमध्ये एक मोहम्मद खादिर र अर्को अलेक्जेण्डर बिसोनेट रहेको जनाइएको छ । आक्रमणकारीमध्ये एकजनाले एके ४७ बोकेको थियो । हमला आइतबार बेलुका ८ बजेतिर भएको हो ।

क्यानडाका प्रान्तीय प्रमुख फिलिप क्वीलार्डले यसलाई आतंकवादी हमला भनेका छन् ।

प्रहरीले स्थीति नियन्त्रणमा आइसकेको जनाएको छ भने इस्लामिक कल्चरल सेन्टरले संयमता अपनाउन आग्रह गरेको छ । गलत हल्ला फिजाउनु अगाडि अनुसन्धान पर्खन सेन्टरले आग्रह गरेको छ ।

यही मस्जिदमा गत जुनमा सुंगुरको टाउको राखिएको थियो भने एकजनाले क्युबेकका मुस्लिमहरुलाई मार्ने धम्की दिएका थिए ।

कुरानले सुंगुरको मासु खान निषेध गरेको छ । रमादानको बेलामा मस्जिदमा सुंगुरको टाउको लगेर राखिनुलाई मुस्लिमहरुको अपमानका रुपमा हेरिएको थियो । क्यानडाका प्रधानमन्त्रीले अमेरिकामा शरण नपाएका मुस्लिमहरुलाई क्यानडामा स्वागत गर्ने बताएलगत्तै यो घटना भएको हो ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com