भूकम्पको बार्षिकीमा न्युयोर्कमा मैनबत्ति प्रज्वलन, ठगबाट जोगिन टीपीएसबाहकलाई आग्रह
प्रकाशित मिति : बैशाख १३, २०७६ शुक्रबार
नेपालमा गएको महाभूकम्पको बार्षिकीको अवशरमा न्युयोर्कमा मैनबत्ति प्रज्वलन गरिएको छ । आप्रवासी अधिकारका लागि कृयाशिल संस्था अधिकारको आयोजनामा न्युयोर्कको ज्याक्सनहाइटमा रहेको डाइभर्सिटी प्लाजामा मैनबत्ति प्रज्वलन गरिएको हो ।
न्युयोर्कका नेपालीहरुको सहभागिता रहेको कार्यक्रममा नेपालको टीपीएसको अवस्थाबारे जानकारी गराइएको थियो । कार्यकारी निर्देशक पबित्रा बेन्जामिनले नेपालीको टीपीएसबारे जानकारी गराउँदै अहिले टीपीएसमा रहेका नेपालहरुको टीपीएस जुन २४ पछि स्वत नविकरण हुने भएकाले ठगहरुबाट जोगिन सचेत गराइन् ।
नेपालको टीपीएसबारे थप जानकारी सहित अमेरिकी सरकारले छिट्टै अर्को सुचना प्रकाशित गर्ने सम्भावना रहेको र थप जानकारी आवश्यक भएका अधिकारमा सम्पर्क गर्न उनले सुझाव दिइन् । अमेरिकी अदालतमा टीपीएसबारेको मुद्दा विचाराधिन रहेको अवस्थामा नेपालको टीपीएस स्वत लम्बिने भएको छ ।
टीपीएसमा रहेकाहरुले अहिले कुनै कदम चाल्नु नपर्ने भएपनि बीचमा टीपीएस छाडेकाहरुले पुन प्राप्त गर्नका लागि बिलम्ब आवेदन दिन सकिने जनाइएको छ । बिलम्ब आवेदन दिएको खण्डमा सुरुमा टीपीएस प्राप्त गरेर पछि रि रजिस्ट्रेशन नगरेकाहरुले समेत टीपीएस प्राप्त गरिरहेको कानुन व्यवसायीहरुको अनुभव छ ।