‘सारेगमप’मा प्रितमको अर्को धमाकेदार प्रस्तुती, बरुण धवनले भने ‘कति ट्यालेन्ट तिमी’ (भिडियोसहित)
प्रकाशित मिति : बैशाख ९, २०७६ सोमबार
नेपालीहरुले सबैभन्दा धेरै सहभागिता जनाएको भारतकै चर्चित सिंगिङ रियालिटी शो “सारेगमप लिटिल च्याम्स” मा नेपालका २ बालकहरुले नेपालको प्रतिनिधित्व गरिरहेका छन् । उनीहरुले प्रतिनिधित्व पनि यसरी गरिरहेका छन् की भारतीय प्रतिष्पर्धीहरुलाई पनि कडा चुनौती दिईरहेका छन् । इटहरीका ११ बर्षीय प्रितम आचार्य र सिन्धुपाल्चोकका आयुष केसीले नेपालीहरुको मात्र होईन भारतीयहरुको पनि मन जित्दै अगाडी बढिरहेका छन् । आज प्रसारण भएको कार्यक्रममा प्रितम आचार्यले आफनो प्रस्तुती दिएका छन् ।
चर्चित गायक कुमार सानु स्पेशल गरिएको कार्यक्रममा प्रितमले “मै खिलाडी तु अनाडी” फिल्ममा समाबेश गीत “चुराके दिल मेरा” गीत गाएका थिए । प्रितमले यो गीत यसरी खाए की भनीसाध्य छैन । कार्यक्रममा अतिथीको रुपमा आएक कलंक फिल्मका कलाकारहरु आएका थिए । जब प्रितमले गीत गाउँन थाले नायक बरुण धवन जुरुक जुरुक उठेका थिए । आलिया भट्ट र माधुरी दिक्षित प्रितमको गायनमा मन्त्रमुग्ध बने । पछिल्लो २ एपिसोडमा प्रितमले सय प्रतिशत ल्याउन सकिरहेका थिएनन् । तर आजको प्रस्तुतीमा उनले धमाकेदार कमव्याक गर्दे सय प्रतिशत नम्बर ल्याए ।
सोमा जुरीले दिएको यो नम्बर शोमा रहिरहनका लागि निकै जरुरी हुने गर्छ । जज तथा जुरी मेम्बरले प्रितमलाई स्ट्याण्डिङ ओभिएसन नै दिए भने जज अमाल मलिक त उनलाई थप प्रोत्साहन दिन स्टेजमै पुगेका थिए । भारतमा बिषेश गरी प्रितम “सन्देशे आते है” गीतबाट चर्चित बनेका थिए । उनले गाएको उक्त गीतको भिडियो बलिउडका चर्चित भन्दा चर्चित नायक तथा गायकहरुले समेत आफनो सामाजिक सञ्जाल एकाउण्टमा सेयर गर्दे प्रशंसा गरेका थिए ।