अछाममा चट्याङ्ग लागेर एकको मृत्यु १३ घाइते
प्रकाशित मिति : चैत्र २६, २०७५ मंगलबार
अछामको पञ्चदेवल विनायक नगरपालिकाका दुई वडामा सोमबार राती चट्याङ्ग पर्दा एकको मृत्यु सहित १३ जना घाइते भएका छन् । सो नगरपालिकाको वडा नम्बर ७ पुल्लेतोलामा परेको चट्याङ्गबाट उक्त वडा निवासी जनक रावलको घटनास्थलमै ज्यान गएको हो भने अन्य १० जना घाइते भएका छन् ।
सोही नगरपालिका वडा नम्बर १० को बारलामा परेको चट्याङ्गबाट दुई महिला सहित तीन जना घाइते भएको वडा अध्यक्ष तारा खनालले जानकारी दिनुभयो । तीनै जनाको टाउकोमा चोट भएका कारण गम्भीर घाइते भएको अध्यक्ष खनालको भनाइ छ ।
पुल्लेतोलाका घाइतेहरुको जिल्ला अस्पतालमा उपचार भैरहेको छ । १० जना घाइते मध्येमा धर्म र गोविन्द रावललाई अन्य भन्दा गाह्रो अवस्था भएको स्थानीय जनक बटालाले जानकारी दिनुभयो।
यता बारलामा घाइते भएका तीन जनालाई थप उपचारका लागि उपचारका लागि सुर्खेत लीदै गरिएको अध्यक्ष खनालले जानकारी दिनुभयो । दुवै स्थानमा सोमबार राती करिब सात बजेतिर चट्याङ्ग परेको बताइेको छ । गएको माघ महिनामै पुल्लेतोलामा चट्याङ्गबाट एक मृत्यु सहित १७ घाइते भएका थिए ।