अष्ट्रेलियन इमिग्रेसन डिपार्टमेन्टमा कसैले फोन गरेर झुटो डकुमेन्ट पेश भएको बताइदिएपछि …
प्रकाशित मिति : चैत्र १८, २०७५ सोमबार
एक भारतीयले आफू रिजनल क्षेत्रमा दुई वर्ष बसेको भन्दै पीआरको लागि एप्लाई गरेका थिए । तर त्यो कुरा झुटो भएको भन्दै एक व्यक्तिले इमिग्रेसनमा सुचना दिएपछि उनको पीआर सपना टुटेको छ ।
नाम नुखालिएका भारतका सिंह थरका व्यक्ति सन् २००७ मा विद्यार्थी भिसामा अष्ट्रेलिया आएका थिए र सन् २०१२ मा ४८७ भिसा पाएका थिए, जसले पीआरको लागि बाटो खुल्ला गरिदियो । त्यसपछि ती भारतीयले पीआरको लागि निवेदन र आफू रिजनल क्षेत्रमा बसेको प्रमाण स्वरुप गाडी भाडा, बिजुलीको बिल, ट्याक्स रेकर्ड आदि सबै बुझाएका थिए । उनले २०१३ देखि २०१५ सम्म आफू रिजनल क्षेत्रमा बसेको उल्लेख गरेका थिए ।
अर्का एक व्यक्तिले इमिग्रेसनमा सिंहले झुटो विवरण पेश गरेको र उनी रिजनल क्षेत्रमा नबसेको जानकारी दिएपछि पीआर एप्लिकेसन रद्द भएको छ । अनुसन्धानमा सिंहले रिजनल क्षेत्रमा बस्ने ठाउँ भाडामा लिएर आफू भने मेलबर्नमा बसेका थिए । सिंहका एक साथीले पनि यसैगरि पीआरको लागि एप्लाई गरेका थिए । तर उनको झुट थाहा भएपछि उनलाई डिपोर्ट गरिएको थियो ।