एसईईमा सहभागी करिश्मालाई,डा बाबुराम भट्टराईले दिए शुभकामना
प्रकाशित मिति : चैत्र ९, २०७५ शनिबार
आजबाट सुरू भएकाे माध्यमिक शिक्षा परीक्षा (एसईई)मा नायिका करिश्मा मानन्धर पनि सहभागी भएकी छन् । उनी विजय स्मारक मावि डिल्लीबजार केन्द्रबाट परीक्षामा सहभागी भएकी हुन् । करिष्मालाई नयाँ शक्ति पार्टीका संयोजक तथा पूर्व प्रधानमन्त्रीबाबुराम भट्टराईले फोन गरेका शुभकामना दिएका छन् ।
परीक्षा केन्द्रतर्फ प्रवेश गर्नुअघि करिष्मालाई कोरियोग्राफर गोविन्द राईले टीका लगाएर शुभकामना दिएका थिए ।परीक्षा दिनका लागि मानन्धर आफैं बा९च ४२६ नम्बरको कार चलाएरर परीक्षा केन्द्र पुगेकी थिइन् । ४५ वर्षीया मानन्धरले कक्षा ८ देखि काठमाडौं मैतीदेवीस्थित त्रिवेणी माविको नियमित विद्यार्थी भएर पढेकी हुन्।
उनले एसईई राम्राे तयारी गरेकाे बताउँदै आएकी छिन् । यस वर्षको एसईई परीक्षामा देशभरबाट ४ लाख ७५ हजार परीक्षार्थी सहभागी भएका छन् । तीमध्ये दुई लाख ३६ हजार ४ सय ४५ छात्र र २ लाख ३८ हजार ५ सय ५८ छात्रा छन् ।