बेलायतका मस्जिदमा एकपछि अर्काे आक्रमण
प्रकाशित मिति : चैत्र ८, २०७५ शुक्रबार
बेलायतको बर्मिंघम शहरमा पाँच मस्जिदमा हिंस्रक आक्रमणम भएको बताइएको छ । बुधबार रातिदेखि बिहीबार बिहानको बीचमा ती हमलाहरु भएको प्रारम्भिक रिपोर्टमा उल्लेख गरिएको छ । मस्जिदको बाहिरी झ्यालमा ठुलो घनले हिर्काइएको प्रहरीले जानकारी दिए । बर्चफिल्ड रोडस्थित मस्जिदमा उक्त हमला मध्यराति करिब साढे २ बजे भएको बताइएको छ ।
उक्त हमलाको सूचना प्राप्त भएको ४५ मिनेटपछि समान प्रकृतिके हमला अर्डिंगटनमा भएको सूचना प्राप्त भएको थियो । त्यसबाहेक एस्टन र पेरीमा पनि समान प्रकृतिको हमला भएको प्रहरी अधिकारीहरुले सुचना प्राप्त गरेको बताइएको छ । त्यसैगरी अल्बर्ट रोडमा पनि त्यस्तै हमला भएको बताइएको छ । यो समाचार नेपाल समाचारपत्रमा प्रकाशित छ ।