भारतले थुन्यो आफ्नो भूमि हुँदै पाकिस्तान जाने पानी
प्रकाशित मिति : फाल्गुन २८, २०७५ मंगलबार
भारतले पाकिस्तान जाने तीन नदीको पानी बन्द गरिदिएको छ । केन्द्रीय जल संशाधन राज्यमन्त्री अर्जुन मेघवालले भारत हुँदै पाकिस्तान जाने ब्यास, रावी र सतलज नदीको बहाव बन्द गरिएको बताएका हुन् ।
कश्मीरको पुलवा आक्रमण प्रकरणपछि भारतको केन्द्रीय जल संशाधन मन्त्री नितिन गडकरीले पाकिस्तान जाने नदीको पानी बन्द गर्न प्रधानमन्त्री कार्यालयमा सिफारिस गर्ने बताएका थिए । अहिले राज्यमन्त्री अर्जुन मेघवालले पानी बन्द गरिसकिएको बताएको भारतीय सञ्चारमाध्यमहरुले जनाएका छन् ।
आफ्ना उत्तरी हिमालय क्षेत्र हुँदै बग्ने र पाकिस्तान जाने नदीहरु रावी, सतलज र ब्यास नदीको पानी ड्याम बनाएर रोक्न लगाएको हो । भारतीय केन्द्रीय जल संशाधन मन्त्री नितिन गडकरीले जनाए अनुसार शाहपुरकान्डी ड्याम निर्माणको काम पुलवामा हमला हुनाघि नै शुरु भैसकेको थियो । उनले अन्य दुई नदीको पानी थुन्नलाई प्रधानमन्त्री कार्यालयमा सिफारिस गर्ने बताएका थिए ।
राज्यमन्त्री अर्जुन मेघवाललाई उद्धृत गर्दै पाकिस्तानलाई दीँदै आएको पानी बन्द गरिसकिएको भारतीय सञ्चारमाध्यमहरुले जनाएका छन् । ३ वटै नदीलाई थुनेर ड्याममा पानी जम्मा गर्ने काम भैरहेको जनाइेको छ ।
भारत र पाकिस्तानबीच १९९० मा सिन्धु जल सम्झौता भएको थियो । भारतबाट पाकिस्तानतर्फ बगेर जाने ब्यास, रावी र सतलज नदीसँग सम्बन्धित यो सम्झौता अनुसार पाकिस्तानमा ८० करोड एकड फिट पानीको आपूर्ति हुन्छ । जबकी भारतले ३।३ करोड एकड फिट पानी पाउँछ ।
पुलवा आक्रमणपछि भारत र पाकिस्तानबीच तनाव बढ्दो छ । जैश ए मोहम्मद समूहलाई पाकिस्तानले संरक्षण गरेको र भारतलाई आक्रमण गर्न प्रयोग गरेको आरोप भारतले लगाउँदै आएको छ ।