न्युयोर्कमा आज नामाकरण गरिदै माउन्ट एभरेष्ट वे, कार्यक्रम दिउसो १ बजे


प्रकाशित मिति : फाल्गुन २५, २०७५ शनिबार

आज अर्थात् मार्च ९ मा न्युयोर्कको ज्याक्सनहाइटको ७५ स्ट्रीटलाई औपचारिक रुपमा माउन्ट एभरेष्ट वे नामाकरण गरिने भएको छ । औपचारिक रुपमा नामाकरणका लागि दिउसो १ बजे उक्त स्थानमा विशेष समारोहको आयोजना गरिने भएको छ ।

गत डिसेम्बरमा न्युयोर्कको ज्याक्सनहाइटको ७५ स्ट्रीटलाई माउन्ट एभरेष्ट वे नामाकरण गर्ने न्युयोर्क सिटी काउन्सिलले निर्णय गरेको थियो । ७५ स्ट्रीटको २५ देखि ३१ एभिन्युसम्मको बाटोलाई माउन्ट एभरेष्ट वे नामाकरण गर्ने प्रस्ताव सिटी काउन्सिलबाट पारित भएको हो ।

उक्त प्रस्ताव न्युयोर्क सिटीका काउन्सिल सदस्य कोस्टा कोन्स्टानटिनिडेजले बैठकमा राखेका थिए । कोस्टाले न्युयोर्क सिटी काउन्सिलमा २२ औं जिल्लाको प्रतिनिधित्व गर्छन् ।

कोष्टाले न्युयोर्क राज्यमा ड्राइभर लाइसेन्स र आइडी फर्म नेपाली भाषामा भर्न सकिने व्यवस्थाका लागि समेत पहल गरेका थिए । माउन्ट एभरेष्ट वे नामाकरण गर्न अमेरिकामा रहेका नेपाली संघसंस्थाका प्रतिनिधिहरुको सहभागितामा विभिन्न समिति र उपसमितिहरु समेत बनाइएका छन् ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com