जापानको नागोयामा दुई नेपाली पक्राउ
प्रकाशित मिति : फाल्गुन २४, २०७५ शुक्रबार
झुट्टा विवरण पेश गरी भिसा नविकरण गराएको आरोपमा जापानमा फेरि अर्का दुई नेपाली पक्राऊ परेका छन् । केही हप्ता अघि मात्र एक जापानी सहित ५ जना नेपालीहरु यस्तै प्रकृतिको घटनामा पक्राउ परेका थिए ।
याहु न्यूज लगायतका जापानी संचारसंस्थाहरुले प्रशारण गरेको समाचारअनुसार भिसा नविकरणका लागि नक्कली कागजात पेश गरेको आरोपमा जापानको नागोयामा नेपाली रेस्टुरेन्ट संचालन गर्दै आएका ४४ वर्षिय कृष्णप्रसाद शर्मा र टोयोटा सिटीमा बस्दै आएका ३७ वर्षिय किरण गुरुङ्लाई पक्राउ विहिबार पक्राउ गरिएको हो ।
नागोयामा रहेको खुशी ईण्डियन तथा नेपाली रेष्टुरेण्टका सञ्चालक शर्माले गत डिसेम्वर महिनामा पसलमा कामै नगरेका गुरुङ्लाई नक्कली कागजात बनाई १ वर्षे भिसा नबिकरण गराएको समाचारमा उल्लेख छ । शर्माले ६० मान जापानी येन (नेपाली रुपैँया छ लाख बराबर) लिएर सो नक्कली कागजात बनाएको बताईएको छ ।
गुरुङ माथि पनि झुटा विवरण पेश गरि कानुन उल्लघन गरेको आरोप छ ।