प्रेरक व्यक्तित्व : १३ वर्षमा कखरा सिकेर अमेरिकामा पीएचडी
प्रकाशित मिति : श्रावण २४, २०७३ सोमबार
“मानिस ठूलो दिलले हुन्छ , जातले हुंदैन ।” महाकवि लक्ष्मीप्रसाद देवकोटाको यो भनाईलाई आत्मसाथ गर्दै अगाडि बढेका सामाजिक व्यक्तित्व हुन् प्रा.डा. तारा निरौला । प्राध्यापन, अनुसन्धान नीति निर्माण लगायतका क्षेत्रमा झण्डै तीन दशकदेखि सकृय नाम हो तारा निरौला । नेपालको त्रिभुवन विश्वविद्यालयबाट ग्रयाजुयसन गरेका निरौलाले न्युयोर्कको कोलम्बिया युनिभर्सिटीबाट दोहोरो मास्टर डिग्री र पीएचडी समेत गरे ।
तेह्रथुम जिल्लाको पिप्पले गाउको एक सामान्य किसान परिवारमा जन्मेका तारा निरौलाले १३ वर्षको उमेरमा मात्र नेपाली भाषाका अक्षरहरु सिक्न सुरु गरे । निकै ढिलो कखरा सिक्ने उनै व्यक्तिपछि अमेरिकाको अति उत्कृष्ट मानिने कोलम्बिया विश्वविद्यालयबाट विद्यावारिधी गर्न सफल भएका हुन् ।
विद्यालय शिक्षकका रुपमा पेशा सुरु गरेका डाक्टर तारा निरौला सेभ द चिल्ड्रेन फन्डको योजना प्रशासक, स्वीस विकाश महासंघको शिक्षा अधिकृत समेत भएका थिए । उनी उच्च शिक्षाको शिलशिलामा अमेरिका आएका हुन् । अमेरिका आइसकेपछि उनले कोलम्बिया विश्वविद्यालयको शिक्षा संकायमा प्राध्यापन मात्र गरेनन्, सोही संकायमा शिक्षा अनुसन्धान योजनाको निर्देशक र वरिष्ठ शिक्षा अनुसन्धानविद्को पदमा रहेर पनि काम गरे । त्यो बाहेक उनले न्यू स्कुल युनिभर्सिटीको शिक्षा संकायमा प्राध्यापक र निर्देशकको पदमा रहेर काम गरिसकेका छन् ।
तेह्रथुम जिल्लाको पिप्पले गाउको एक सामान्य किसान परिवारमा जन्मेका तारा निरौलाले १३ वर्षको उमेरमा मात्र नेपाली भाषाका अक्षरहरु सिक्न सुरु गरे । निकै ढिलो कखरा सिक्ने उनै व्यक्तिपछि अमेरिकाको अति उत्कृष्ट मानिने कोलम्बिया विश्वविद्यालयबाट विद्यावारिधी गर्न सफल भएका हुन् ।
अमेरिकामा नेपाली समुदायको हितमा सकृय रहदै आएका छन् उनी ।समाजसेवामा सकृय रहने क्रमा उनी उत्तर अमेरिकाको नेपाली अमेरिकन परिषद्, अमेरिका नेपाल मैत्री समाज लगायतका संस्थाको नेतृत्व गरे ।
नेपालमा शान्ति र समुन्नत राजनीतिक व्यवस्थाको लागि पनि अमेरिकामा उनी निकै सकृय रहदै आएका छन् । २०४६ सालको जनआन्दोलनमा निकै सकृय डाक्टर तारा निरौलाले दोश्रो जनआन्दोलनका बेलामा पनि न्युयोर्कबाट जनशक्ति र श्रोत परिचालन गरेर जनआन्दोलनको सफलताका लागि निकै ठूलो योगदान दिए । उनले नेपालमा विद्यालय बनाउन मात्र होइन, पुस्तकालय बनाउनमा पनि सहयोग गर्दै आएका छन् ।
सामाजिक क्षेत्रमा योगदान दिएपावत डाक्टर तारा निरौला विभिन्न मानसम्मानबाट विभुषित समेत भएका छन् । न्युयोर्क महानगरका कन्ट्रोलरले न्युयोर्क महानगरको शिक्षा सुधार एवं विकाशमा उत्कृष्ट योगदान गरेवापत सम्मान गरेको थियो भने न्युयोर्कको महानगर परिषद्ले एक विशिष्ट महानगरवासीका रुपमा परिचित गराएको थियो । त्यस्तै एसीयन अमेरिकन समन्वय परिषद्ले पनि उनलाई एक उत्कृष्ट व्यक्तिका रुपमा सम्मान गरेको थियो । अमेरिका नेपाल मैत्री समाज र कोलम्बिया विश्वविद्यालयको शिक्षा संकायले पनि उनलाई कुशल नेताको रुपमा सम्मान गरेको थियो । उनले गरेको सामाजिक सेवा र योगदानका कारण उनी अमेरिकामा रहेका नेपालीका नजरमा पनि उत्तिकै सम्मानित छन् ।