अष्ट्रेलियामा बृद्धामाथि हातपात गरेको अभियोगमा जेल परेका नेपाली रिहा
प्रकाशित मिति : फाल्गुन ९, २०७५ बिहीबार
सिड्नीमा एक बृद्धमाथि हातपात गरेको आरोपमा पक्राउ परेर ८ महिनाको जेल सजाय तोकिएका प्रकाश पौडेललाई न्यूसाउथवेल्स राज्यको अदालतले रिहा गर्न आदेश दिएको छ । गत वर्ष बुपा एज केयरमा उनीमाथि बृद्धामाथि हातपात गरेको आरोप लागेको थियो । गत जनवरी २३ तारिख गरिएको अदालती फैसलाका आधारमा उनी जेल चलान भएका थिए ।
प्रकाश पौडेलका वकिलहरुले उनी घटना हुनुअघि निकै डराएको अवस्थामा रहेको बताएका थिए । प्रकाश पौडेलले घटनाको पश्चताप गरेको सिड्नी डिष्ट्रिक कोर्टका जज हेलेन सेम्सले बताएका थिए । घटनालाई अतिरञ्जित बनाउँदै प्रचार गरिएको पौडेलका वकिलहरुको आरोप छ । उनलाई अदालतले रिहा गर्न आदेश दिएपनि अनिवार्य रुपमा सात महिनासम्म विभिन्न सामूदायिक कार्य भने गर्नुपर्नेछ ।
