पोर्चुगलमा आप्रवासी नियममा परिवर्तन, एकबर्ष बसेका लिगल इन्ट्री नहुनेलाई पनि मानविय आधारमा बसोवास अनुमति
प्रकाशित मिति : फाल्गुन ७, २०७५ मंगलबार
पोर्चुगलमा कानुनी रुममा आप्रवासी नियममा नयाँ परिवर्तन भएको छ ।
द इमिग्रेशन एण्ड बोर्डर सर्भिस सेफको यो नियम तेस्रो मुलुकका नागरिक,आप्रबासी,विद्यार्थी भिसाका निवेदक ,लगानीकर्ता तथा असाधारण क्षमता भएका भिसा आवेदकहरुका लागि ल्याइएको हो ।
नयाँ नियम अनुसार रेजिडेन्टस भिसा आवेदकका लागि रेजिडेन्टस अनुमतिका लागि द इमिग्रेशन एण्ड बोर्डर सर्भिस सेफको कार्यालयद्धारा मिति निर्धारण गरि बोलाइने छ ।
यसरी बोलाइदा भिसा आबेदकले जुनसुकै सेफ अफिसका लागि अपोइन्टमेन्ट लिन सक्नेछन् ।
त्यसका लागि आवेदकको ठेगाना अर्थात जुन्ता पोर्चुगलभित्र जहाँको भएपनि केही फरक पर्दैन ।तर एक पटकको अपोइन्टमेन्टमा पेश गरिएका कागजात पुन प्रयोग गर्न पाइने छैन ।
रेजिडेन्टस परमिट नविकरण, भिसा रिन्यु ,रेजिडेन्टस कार्ड नविकरणका लागि सेफको वेवसाइटबाट रजिष्टर्ड गरि अपोइन्टमेन्ट मिति लिन सकिने छ ।
जसमा आफ्ना कागजातहरु अनलाइनबाटै सवमिट गर्न सकिन्छ । तर फोटोगा्रफ ,औठा छाप ,हस्ताक्षर दिने जस्ता कुराहरुको लागि आवेदक स्वंम उपस्थित हुनुपर्दछ ।
नयाँ नियममा, विदेशी नागरिक जो ब्यक्ती पोर्चुगलमा लामो समयदेखी काम गरिरहेका छन वा विद्यार्थी भिसामा अर्को मुलुकबाट आएका छन् तर उनिहरुसँग पोर्चुगलमा लिगल डकुमेन्ट छैन , लिगल प्रवेशको कागजात छैन भने पनि यदि तिनिहरु एक वर्ष भन्दा धेरै पोर्चुगलमा बसेका छन् भने तिनिहरुले सोसियल सेक्युरिटीको छुट फाइदा लिन तथा मानविय कारण देखाएर बसोवास अनुमति प्राप्त गर्न सक्नेछन् ।
त्यस्तै पोर्चुगलमा उच्च शिक्षाका लागि आएका आप्रवासी विद्यार्थी एवं पोर्चुगिस भाषा बोल्ने देशका नागरिकले समेत बसोवास भिसाको लागि आवेदन दिन सक्नेछन् ।
त्यस्तै नयाँ नियममा उच्च योग्यता तथा असाधारण क्षमता भएका एवं पोर्चुगलमा उद्यम व्यावसाय सञ्चालन गर्न चाहने बिदेशी नागरिकहरुका लागी बसोवास भिसाको लागि सहज सुव्यवस्था गरिने बताइएको छ ।
पोर्चुगलमा काम गर्ने मौसमी कामदार जो कम्पनिको फ्रेमवर्क भित्र सरुवा भैरहेका छन् तिनिहरु साथै आप्रवासी विद्यार्थी तथा खोजकर्ता उनिहरुले आफ्नो कामलाई सहज बनाउन सक्नेछन् ।सेफको इमिग्रेशन अपडेट पोर्टलमा उल्लेख गरिएको छ ।
यसबारे थप समाचारको लागि यहाँ क्लिक गर्नुहोला ।