उबरलाई पौने २ अर्ब डलर घाटा
प्रकाशित मिति : फाल्गुन ४, २०७५ शनिबार
राइड एप्लिेकेशन उबरलाई सन् २०१८ मा झण्डै पौने २ अर्ब डलर घाटा भएको छ । शुक्रबार सन् २०१८ को आर्थिक विवरण सार्वजनिक गर्दै उबरले १ दशमलव ८ बिलियन डलर घाटा भएको जनाएको हो ।
योसँगै उबरले अब आईपीओमा जाने तयारी गरेको छ । जसअन्तरगत उबरको शेयर खुद्रा लगानीकर्ताहरुले समेत किन्न पाउनेछन् । सन् २०१७ मा २ दशमलव २ बिलियन डलर घाटा रहेको प्रतिवेदन उबरले सार्वजनिक गरेको थियो ।
सन् २०१९ मा उबर सार्वजनिक शेयर मार्केटमा जाने अपेक्षा गरिएको छ । ९ बर्ष अगाडि स्थापना भएको उबरले विश्वब्यापी रुपमा नै सेवा प्रदान गर्दै आएको छ । उबरको मुख्यालय क्यालिफोर्नियामा रहेको छ ।