अमेरिकाको हवाईमा १ सय बर्षभन्दा कम उमेरकाले चुरोट किन्न नपाइने नियम ल्याइदै
प्रकाशित मिति : माघ २३, २०७५ बुधबार
अमेरिकाको हवाई राज्यको सिनेटमा सन् २०२४ सम्म १ सय बर्षभन्दा कम उमेरकाले चुरोट किन्न नपाइने कानुन बनाउन बिल पेश गरिएको छ । हवाई अमेरिकामा चुरोट सम्बन्धि सबैभन्दा कडा कानुन भएको राज्य हो ।
अमेरिकामा सन् २०१६ मा चुरोट किन्नका लागि उमेरको हद २१ बर्ष बनाउने पनि हवाई पहिलो राज्य थियो । नयाँ बिल अनुशार आगामी बर्ष चुरोट किन्ने उमेरको हद ३० बर्ष, त्यसपछिका बर्षहरुमा ४०, ५० र ६० हुँदै सन् २०२४ मा १०० बनाउने लक्ष्य लिइएको छ ।
सिगार, चपाउने सुर्ती र इ सिगरेटको हकमा भने उमेरको हदबन्दी लागु नहुने जनाइएको छ । संघीय कानुन अनुशार अमेरिकामा चुरोट किन्नका लागि १८ बर्ष उमेर पुग्नुपर्छ । कतिपय राज्यहरुले १९ र २१ बर्षको उमेरको हद तोकेका छन् ।