१८० दिनभन्दा कम भिसा ओभरस्टे हुनेलाई समेत २ बर्ष जेल हाल्ने रिपब्लिकन प्रस्ताव
प्रकाशित मिति : माघ ७, २०७५ सोमबार
अमेरिकामा कुनै पनि गैरआप्रवासी भिसामा आएर भिसाको अवधि सकिएपछि ओभरस्टे हुनेहरुलाई जेलहाल्ने सम्मको विधयेकको प्रस्ताव अमेरिकी संसदमा गरिएको छ । अमेरिकाको ११६ औं संसदमा ल्याइएको उक्त विधयेकको कोस्पोन्सर १० जना रिपब्लिकन सांसदहरुले गरेका छन् । विधयेकको स्पोन्सर जेफ डनकानले गरेका छन् ।
अमेरिकामा पहिलोपटक ओभरस्टे हुनेलाई जरिवाना वा ६ महिनासम्म जेल सजाय वा दुबैसजाय र त्यसपछि पनि ओभरस्टे हुनेलाई जरिवाना वा २ बर्ष जेल वा दुबै सजाय हुनुपर्ने प्रस्ताव गरिएको छ ।
त्यस्तै पहिलोपटक ओभरस्टे हुनेलाई ५ बर्षसम्म पुन अमेरिका प्रवेशमा रोक लगाउने र १० बर्षसम्म कुनै भिसा स्वीकृत नगर्ने प्रस्ताव समेत गरिएको छ । पहिलोपटक भन्दा धेरै ओभरस्टे हुनेलाई भने अमेरिकामा सधैका लागि प्रवेशमा रोक लगाउने र कहिलेपनि भिसा जारी नगर्ने प्रस्ताव गरिएको छ ।
अमेरिकामा ओभरस्टे भएर कुनै अध्यागमन सुविधाका लागि आवेदन दिनेहरुका सन्दर्भमा ममेत अमेरिकी विदेशमन्त्री वा सेक्रेटरी अफ होमल्याण्ड सेक्युरिटीले आवेदन प्राप्त भएपछि आवेदकलाई सजायको सुचना प्रदान गर्ने प्रस्ताव गरिएको छ ।
अमेरिकाको राष्ट्रियता एवं अध्यागमन ऐनलाई संसोधन गरेर ओभरस्टे हुनेहरुलाई दण्डित गर्न उक्त विधयेक प्रस्ताव गरिएको हो । उक्त विधयेकको नाम भिसा ओभरस्टे कार्यान्वयन ऐन २०१९ दिइएको छ ।
प्रस्तावित विधयेकमा अमेरिकामा कुनै पनि भिसामा आएर ओभरस्टे हुनेलाई अपराधिकरण गरिएको छ । तर त्यसका लागि कुनै स्वास्थ्यबारेको आवश्यकता, सार्वजनिक सुरक्षा वा राष्ट्रिय सुरक्षालाई हेरेर हरेक व्यक्तिका सन्दर्भमा कारवाही गर्ने वा नगर्ने अधिकार डिपार्टमेन्ट अफ होमल्याण्ड सेक्युरिटीलाई रहने उल्लेख छ । भिसा अवधि सकिएपछिको कुनै पनि अवधि बस्ने आप्रवासी कारवाहीको भागिदार हुने प्रस्ताव गरिएको छ ।
अहिलेसम्मको अमेरिकी कानुन अनुशार १८० दिनभन्दा बढी १ बर्षभन्दा कम ओभरस्टे हुनेलाई अमेरिका प्रवेशमा ३ बर्षका लागि र १ बर्षभन्दा बढी ओभरस्टे हुनेलाई १० बर्षसम्म प्रतिबन्ध लगाउने प्रावधान रहेको छ । तर रिपब्लिकनहरुले १८० दिनभन्दा कम अवधि ओभरस्टे हुनेलाई पनि कारवाहीको प्रस्ताव गरेका छन् ।
डेमोक्र्याट्सहरुको बहुमत रहेको प्रतिनिधिसभामा उक्त विधयेक पारित हुने सम्भावना भने निकै न्यून रहेको छ ।