प्रियंका चोपडाले निर्माण गरेको नेपाली भाषाको चलचित्र ‘पाहुना’ नेट्फ्लीक्समा
प्रकाशित मिति : माघ ३, २०७५ बिहीबार
प्रियंका चोपडाले निर्माण गरेको नेपाली भाषाको चलचित्र पाहुना नेट्फ्लीक्समा राखिएको छ । गत डिसेम्बरमा रिलिज भएको उक्त चलचित्र प्रियंका चापडा र उनकी आमा मधु चोपडाको ब्यानर पर्पल पेबल पिक्चरले निर्माण गरेको हो ।
चलचित्रमा माओवादी युद्धका कारण नेपालबाट भागेर सिक्किम पुगेका तीनजना बालबालिकाको कथालाई देखाइएको छ । युद्धका कारण परिवारबाट बिछोडिएकाहरुले चर्चमा शरण लिएको र पादरीले बालबालिका खाने भ्रममा परेका केटाकेटीहरुले गरेको संघर्षलाई चलचित्रमा देखाइएको छ ।
यदि तपाईसँग नेट्फ्लीक्स एकाउन्ट छ भने चलचित्र हेर्न यहाँ क्लीक गर्नुहोला ।
चलचित्रमा बाल मनोविज्ञान र आशालाई देखाइएको छ । टोरन्टो इन्टरनेशनल फिल्म फेस्टिभलमा विश्व प्रिमियर गरिएको यो चलचित्रले विभिन्न अवार्डहरु समेत जितेको छ ।
चलचित्रमा इशा गुरुङ, अनमोल लिम्बु, मन्जु केसी, शरण राई, विनोद प्रधान, उत्तम प्रधान, बनिता लगुन, सागर देसाई लगायतको अभिनय रहेको छ ।