कामदार भिसामा आउनेलाई अमेरिकी नागरिकतासम्म दिने नियम परिवर्तनको तयारीमा ट्रम्प
अमेरिकामा झण्डै ५० हजार भन्दा धेरै कामदार भिसाका आवेदन स्वीकृत गराइसकेका कानुन व्यवसायीको व्याख्यासहित
अमेरिकी राष्ट्रपति डोनाल्ड ट्रम्पले कामदार भिसामा अमेरिका आउनेहरुलाई अमेरिकी नागरिकताको बाटोसम्म लैजाने गरी एचवान बी भिसामा परिवर्तन गर्ने प्रतिबद्धता जनाएका छन् । शुक्रबार ट्रम्पले गरेको ट्वीटमा आफूहरुले क्षमतावान व्यक्तिलाई सधै अमेरिकामा भविश्य निर्माणका लागि प्रोत्साहित गर्ने र सम्भावित नागरिकताको बाटोसम्म लैजाने गरी कार्यक्रममा परिवर्तन ल्याउने बताएका छन् ।
एचवानबी प्रणाली अन्तरगत अमेरिकन कम्पनीहरुले अस्थायीरुपमा विदेशी कामदारहरुलाई रोजगार दिलाउन सक्छन् । हालको अवस्थामा एचवानबीबाट ग्रिनकार्डमा जानका लागि रोजगारदाता कम्पनीहरुले एचवान बी भिसामा रहेका कामदारहरुलाई लेबर सर्टिफिकेशन फाइल गर्दै ग्रिनकार्ड स्पोन्सर गर्न सक्ने प्रावधान रहेको छ ।
H1-B holders in the United States can rest assured that changes are soon coming which will bring both simplicity and certainty to your stay, including a potential path to citizenship. We want to encourage talented and highly skilled people to pursue career options in the U.S.
— Donald J. Trump (@realDonaldTrump) January 11, 2019
अहिलेको अवस्थामा एचवानबीबाट ग्रिनकार्डमा जानका लागि नेपालीहरुलाई झण्डै २ बर्षको अवधि लाग्ने गरेको हालसम्म झण्डै ५० हजारभन्दा धेरै कामदार भिसाका आवेदन स्वीकृत गराइसक्नुभएका अमेरिकाका चर्चित नेपाली कानुन व्यवसायी केशवराज सेडाईले जानकारी दिनुभयो । तर भारतीयहरुका लागि भने एचवानबीचबाट ग्रिनकार्डमा जानका लागि ५ देखि १५ बर्षसम्मको अवधि लाग्ने गरेको उहाँको अनुभव छ ।
एचवानबीबाट ग्रिनकार्डमा जानका लागि कमसमय लाग्ने गरी ट्रम्प प्रशासनले परिवर्तन ल्याउन चाहेको सेडाईले जानकारी दिनुभयो । तर त्यसका लागि एचवानबी भिसाका लागि अमेरिकन मास्टर डिग्रीलाई प्राथमिकता दिने गरी यसैबर्षदेखि नयाँ नियम ल्याइसकिएको छ ।
