के साच्चिकै निर्मला पन्तका हत्यारको पत्ता लागेको हो ?
प्रकाशित मिति : मंसिर २२, २०७५ शनिबार
बलात्कारपछि हत्या गरिएकी कञ्चनपुरकी निर्मला पन्त हत्याको चार महिनापछि प्रहरीले उनकै छिमेकी वडाका दुई युवकमा अनुसन्धान केन्द्रित गरेको छ ।
भीमदत्त नगरपालिका–१८ का प्रदीप रावल र विशाल चौधरीलाई काठमाडौंबाट नियन्त्रणमा लिएर प्रहरीले अनुसन्धान गरिरहेको छ । प्रहरीसँगको बयानमा रावलले घटनामा आफ्नो संलग्नता रहेको भनी स्वीकार गरेको समाचारहरु बाहिर आएका छन् ।
कतिसम्म भने प्रहरी प्रमख सर्वेन्द्र खनालले राती दुई बजेसम्म रावलको आफैले बयान लिएका समाचाारहरु आईरहेका छन् । यद्धपी आधिकरी रुपमा प्रहरी अधिकारीहर कोही बोल्न मानिरहेका छैनन् ।
उता उपप्रधानमन्त्री एवं रक्षामन्त्री ईश्वर पोखरेलले भने निर्मला पन्तका हत्यार पत्ता लागिसकेको भन्दै छिटै सार्वजनिक गरिने बताएका छन् । ललितपुरमा आयोजित एक कार्यक्रममा उपप्रधानमन्त्री पोखरेलले राजनीतिक दलको आवारणमा कुनै शक्ति निर्मला पन्तका हत्यार जोगाउन आउने सम्भावना रहेको बताएका छन् ।
पोखरेलको यो भनाईले निर्मला पन्तका हत्यारा को हुन्, कुन राजनीतिक दलले उसलाई बचाउन खोज्दैछ भनि गम्भीर प्रश्न खडा गरेका छन् ।